ابوذيات روعة ارجوا المتابعة

[سهر]

شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه




بمعاميلج ولج ياروح صفي
وصار بعيد ذاك الجان صفي
اذكر مره صفك جان صفي
بنفس المدرسه ونلعب سويه



حرت ليهسه احبك هل لساني
وكل ميهل دليلي هل لساني
هلس ولله غيابك هلساني
وصفه جلد وعضم ساتر عليه



اهلك من حلات البيك ميتين
وطعم شفتك يبعد الروح مي تين
اليشوفك سكرة يصعد ميتين
ويصعد من يبوسك تسعمية



ازيدك بلجمع وتصير ناقص
افيض عليك نهري ونت ناقص
مثلك بلبشر ماشفت ناقص
بذات ونذل وطباعك رديه



عليك الروح تجذبني واردهه
لان كلبي نبع صافي وردهه
شلون تغيب وانت اسمك وردهه
واردلك بالشعر غصبا عليه

[عمار الغزي]

ابيات روعه عن جد
عاشت وسلمت الايادي
التي جادت بهذه الابيات
تقبلي مروري بصفحتك

[سيدحبيب المشايخي]

هذي الابوذيات حلوه كلش اهوايه واليحب اشوفها خل يجي اويايه

[شاعر غرام]

ابوذيات احلا ماسمعت تقبلي
تحياتي الخالدي