باچر

[عراقي هواي وميزة فينا الهوى]

بسم الله الرحمن الرحيم

باچر باللغة العامية العراقية الدارجة
معناها
غدا او بكرا او تمورو
كان احد الاشخاص مطلوب بمبلغ من المال الى شخص
وكلما ياتي الدائن يطالب المدين يقول له
باچر مرلي
وهكذا
وفي احد الايام جاء الدائن الى بيت المدين
ولكن لم يجده وصادف ان احد اولاده موجود في البيت
فقال له
عمو انته شتريد من ابويه
كله
عمي اني اطلب ابوك مبلغ من المال
ويوميا ابوك
يوعدني ابوك على
باچر
فماكان من الابن
الا قال له
عمي
اتشوف هاي التالة النخلة الصغيرة موجودة بنص البيت
فقال المدين نعم
قال له
عمي هاي النخلة من اتحمل تمر انبيعه وننطيك افلوسك
فذهب الرجل فرحا
وعاد الاب
وسئل هل احد سئل عني
فقال الابن للاب
يابه
اچه هذا الي يطلبك افلوس
ودفعتلكياه دفعه من هاي المحترمة
وقص عليه الابن القصة
فشاط الاب غضبا
وقال له
لك انته ليش ما تفتهم
هاي النخلة بعد عشر سنوات تحمل تمر
لكن
باچر ما يخلص
اويلي من
باچر
\ \ \ \ \ \
فالسادة المسعولين الساسة
ماخذين هذه الفتوى مال باجر
من صاحب القصه اعلاه
و

باچر راح تتصافى الميلشيات والعصابات
باچر راح تتفق الكتل اللاسياسية
باچر راح ترجع الكهرباء والماء والامان والحصة التمونية
باچر راح تتشكل الحكومة
والله يساعد العراق والعراقين

[سمير الكرماني]

الف شكر اخي ابو الغيث المحترم
والله اخي كلشي ينكال على العراق يرهم عليه

تحياتي

[ام فيصل]

شكرا عزيزي
على هذه القصة والمقارنة

شوراهم عزيزي مافي اسهل من هالكلمة عدهم حته يخدرون بيهه الشعب
ولكن هيهات ,,,,

اعتقد الشعب صار من اصغر طفل الى الشايب يعرف سياسة الحكومة وكلامها الفاضي
وصارت عنده مناعة من الوعود

اللهم إني صائم

مع تحياتي

اخي العزيز ابو الغيث المحترم

هذه القصة توكع عالجرح

وقد قص علي هذه القصة من قبل والد صديقي

ومثل ما ذكرت انت ما راح نخلص من باجر

والجماعه خوش ماخذين بهاي السالفة التعبانه


تحياتي الك