قفله

[ابو علي الصكر]

عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية
..........................
بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية
..........................
الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية
**********************************
الصكر ناقله وجمعه 0 ولمه
اوروحي بقت بس هي ولمه
عتابي وياك ما يبطل ولمه
تضل للموت الملامه وياي هي
اخوكم الصكر000

[العراقي الاصيل]

بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية
كلش جميله واحلان وعاشت ايدك اخوي ابو علاوي ونته مو وياي هاي احلاهن شنو رايك؟؟؟؟؟
تحياتي لك

[سلام الدراجي]

حياك والف حياك على هاي الابوذيات الجميله بجمال اناملك الحلوه الذهبيه

[ابو علي الصكر]

الزير الغالي اشكر مرورك 00حياك الله ياخويه 00
الصكر

[محمد السوداني]

ابوذيات رائعه اخي الصكر كلك ابداع تحياتي لك سيدي ,,,,,,,,,
اخوك محمد

عاشت ايدك اخويه الصكر على الابوذيات الرائعه

تقبل مروري اخي الكريم

[مسره]

الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية
الله رائع تقبل مروري تحياتي...............

الصكر ناقله وجمعه 0 ولمه
اوروحي بقت بس هي ولمه
عتابي وياك ما يبطل ولمه
تضل للموت الملامه وياي هي

هههههههه
الله يخليك
شكراا خيو