يا يوسف زمانك والزمان الراح

[عمار الغزي]

عود خدود عندي وعندك خدود
وعود عيون عندي وعندك عيون
ساهون بحلاتك سحــــــــــر خله الناس
عــــــــــــن وكت الصلاه لمن تمـــــــر ساهون
المثلك لوكعـــــــــــد مايكعد اعله الكاع
لازم على الراس وتكعـــــــــــــــــــــد بماعون
اكبال عيوني حطك حرشه بس للشوف
وحته اكــــــــــــل بروحي اعليك حطلي سنون
يايوسف زمانك والزمــــــــــــان الراح
والراح بحــــــــــــــــــــــــلاتك ماشفت مزيون
ريج الكــــــــــاع ينشف حركه لو مريت
وتخضر حسافـــــــــــــــــــــه بجف اليزرعون
مثل حسرة زليخه بكلبي حسره اعليك
واكثر مـــــــــــــــن زليخه بكلبي شلت ظنون
عجاف سنين يوسف مـــن اعدهن بيك
سبعه اسنين يوسف وانت سبع قـــــــــــرون
لاهلك رحمة تنزل من تمــــــــر زعلان
واهلي بنص جهنـــــــــــــــــــــم لازم يمرون
على متون الشواطي اسمك كتبته تعود
وغير همـــــــــــــــــــوم صدك ماتشيل متون
اليبجون ..شكثر ..كل ظنك ايحبــــون
اليبجون كلهـــــــــــــــــــــــم كبل مايبجون
بس انه وعلي ومن ابجي تدري شلون
عليك بوجهي اصــــــــــــــلا ماتلاكي اعيون
كـــــــــــل مجنون ليله اببالك امخليه
مــــــــــــــــــــن توكف اببالي مايظل مجنون

بقلم الشاعر المبدع
سعود الخفاجي

[سلام الدراجي]

تسلم عمار ويسلم الشاعر سعود الخفاجي المبدع
تحياتي وتقديري لهذا الانتقاء الرائع
دمت بحفظ الرحمن

[عمار الغزي]

شكرا لك حبيبي الغالي سلام
تحياتي لك ولهذا التشجيع الدائم منك
لي

[عمار الغزي]

شكرا لك رشا ولمروك الغالي
لا حرمني الله طلتك

[الغربه]

على متون الشواطي اسمك كتبته تعود
وغير همـــــــــــــــــــوم صدك ماتشيل متون
اليبجون ..شكثر ..كل ظنك ايحبــــون
اليبجون كلهـــــــــــــــــــــــم كبل مايبجون
بس انه وعلي ومن ابجي تدري شلون
عليك بوجهي اصــــــــــــــلا ماتلاكي اعيون
كـــــــــــل مجنون ليله اببالك امخليه
مــــــــــــــــــــن توكف اببالي مايظل مجنون



الله كلمات روعه وصح لسانه الشاعر
وتســــــــــــلــــــــم اخ عمـــــــــــــــــار الغــــــــــــزي
للاختيار المميــــــــــــــز والرااائـــــــــــع
وتحيــــــــــــــــتي وتقــــــــــــــــديري لك

[عمار الغزي]

شكرا لكي اخت سفانة اسعدني
مرورك تقبلي خالص ودي

[عمار الغزي]

تحياتي لك يا شاعرنا الغالي حسام
شكرا لك ولمروك الغالي لا حرمني الله طلتك