زينب صاحت ياوالينه
***************************************
يحسين اكعد شنهو النومه .......عيالك هل ظلت مالومه
تصرخ ظلت وسط الحزمه ..... هجمت خيل اعداك علينه
**************************************************
يحسين انهض شوف اعيالك ......بهالساعه ونومك يحلالك
شلون تنام ويهدأ بالك ............ اطفال وخدر تدرينه
**************************************************
يحسين اكعد ياضي عيني ......... ياشمعة عمري ويسنيني
ما اكدر بعدك تدريني ............. وهاي اعداك الوصلت لينه
************************************************** **
يحسين اخيامك حركوهه ...........وسكينه الوسفه الضربوهه
وانه اختك زينب ذلوهه ...........وسجادك منهو اللي يعينه
************************************************** **
يحسين مصابك عذبني ...........والسهم الصابك صوبني
بغيابك دهري الدولبني ........... باسمك يحسين اصرخ وينه
************************************************** **
يحسين اكعد شوف احبابك ....... ذلت ياخويه من اغيابك
جا وينك جا وين اصحابك .......اكعد شوف الصاير بينه
************************************************** **
يحسين اكعد يبن الغالي ..........يل طيفك مافارك بالي
اكعد هاك وشوف احوالي ....... ياخويه خلافك ذلينه
************************************************** *
يحسين وعباس شحاله .......... ظل عالشاطي ومحد شاله
ياخويه ومن شفت احواله ....... مضمخ ومكطع جفينه
************************************************** *
ياخويه مسبح ظل بالدم ........ ياجرح الماممكن يلتم
ياخويه وراسه اللي تهشم ...... والسهم النابت وبعينه
**************************************************
ياخويه ليا حاله اتصبر ......... من شفتك عالحومه مطبر
والقاسم والنوبه الاكبر........... مكطع ياويلي موذرينه
************************************************** **
ونسالكم الدعااااااء
خادم اهل البيت ...شاكر الشمر
رد مع اقتباس
