ما أنساك
أجذب لوكَلت يهواي ناسيك
ولا مره كَلت وي روحي انساك
يلموفي بعهودك وآنه أوافيك
يكتل حيل حبك صعب فركَاك
أنسى ابيوم آنه أكَدر أجافيك
الك مقسوم آنه وربك أنطاك
ميت شوكَ تدريني وأهم بيك
كل همي عليه يكون مرضاك
يغالي أعله الكَلب وبروحي أفديك
فرحتي تكتمل لوصار ملكَاك
ياسبحان ربي منهو المسويك
حلو كلش حلو لايكَلي محلاك
حلفت الهوه ووصيته يحميك
على كيفه يهب يتأدب وياك
لأن شعرك سرح ماتحمل أدريك
ولأن دربك بعيد بطول مكَفاك
حملته عتابي وروحي تنعيك
واسأله أبداعتي شخباري لو جاك
اليحجيلك عليه كَله شعليك
لايقرون بذنك هذا ويذاك
أجذب لوكلت يهواي ناسيك
ولا مره كلت وي روحي انساك
رد مع اقتباس
رد: ما أنساك
