0
سترت الذكريات بخانة النسيان
خو مافرّعن وانجاب طرواهن؟
0
خاف يشم عطر من عندي عالقمصان
شـِـد عــيونهن واغسل خطاياهن..
0
ماعاتب بعد شيفيد بيك اعتاب
المافادن گبل هسّه اتـّرجاهن
0
تره هنّه الوفه والصدگ هم صعبات
يگــدرهن ردي وغدّار حاشاهن
0
لاتسال شموعي شلون اخذهه الليل
مومسألــة لـيـل فراگ طفّاهن..
0
السنابل هيچ من فارگهن الفلاّح
طـيّح روسهن وتراب خلاهن
0
ولاتحسدني هنه البقن بس ضحكات
باچــر يـنتهن وتموت ذكراهن
0
مرّات الطيور يغـنّن من الظيم
فك باب القفص دمعات تلگاهن..
0
عن ياهن احچيلك قسوتك, فرگاك
بياهـنّه ابتدي واختملك بياهن؟
0
ماتذكر ابّابك من وگفت شلون
اسولف والجدام اتعارك وياهن
0
وشفت چفوفك اللوحن بالله وياك
هيچ بهالسهوله وگـلبك انطاهن!
0
ماتن كل صورّك بيدي من رديت
وانه وصفنتي اصوّرّك رثيناهن
0
انه وجفـني ادْمَنّه الدمع والليل
عشرة عمر ومن الصعب ننساهن
0
شرجعلك محطات الورود تموت
اذا شافن قطار النده اتعداهن..
0
ارجع والسنين وعمري المصلوب
وجروحك برگـبة من خطاياهن؟!
0
گتلك كلشي اتحده , القصور اطيح
واقصور المشاعــر مااتحداهن..
0
انت بلاوعي وهدّمت بيه قصور
وانه بلاوعي وهدّمتك وياهن
0
صرت بلاوعي وهدّمتك وياهن
00000
ميثاق الهلالي
على صدرك حظنته غزل يموت
رد مع اقتباس
رد: على صدرك حظنته غزل يموت
المشاركة الأصلية كتبت بواسطة الامير سامر1
