تانيتك عمر

[رنا العراقية]

تانيتك عمر يمك ردت ارتاح
لكيتك واحه ميته ترابتك تذري
تانيتك تجبره لخاطري المكسور
جبرته بدمع بس ماجبر كسري
ليش تغيضني وأحجي الحجي المضموم
وتكول الناس عني مسودن يهذري

أذا تدري بعذابي وتدري اللي صار
لا تسأل عليه شباقي من صبري
خلصت العمر مابين جويه واه
ومكالب بروحي وناركم حدري
ستوني الحزن مو كافي طفي النار
تبخر ماي صبري ونزرف جدري
يالرايد حجينه يضل جزر للدوم
وانت المد يفيدك ينمحي المقري
لان انت جرف وانه عليك الماي
اطلع عيوب جرفك لو كثر جزري
حاصرني الوكت وجروحي مسمومات
لا انت رحمتني ولا رحم دهري
تحزم جرح بيه وراد ياخذ ثار
التفت شاف الخناجر تطعن بظهري
التفت شاف الخناجر تطعن بظهري

________________


تقبلو تحياتيييييييييييييييييييييي

[امير الاحزان:]

احسنت اختي الغالية رنلا
بوح كلماتك وقفت عنده مليا"
تمعن مفرداتها وشدني اليها رهيف الحس
وطعنتني خناجرها
فألمني الجرح
لك خالص مودتي
اخوك الامير

[الشاعركريم السلطاني]

تسلمين يارنا على هذة الكلمات الرائعة

[سامي المشكور]

حلوووووووووووووووووووووووو
جميل جدا يارنا
ننتظر المزيد

[ام علاوي]

الله يارنا قصيده عتب رائعه جدا
دام لنا نزف يراعك
كوني بخير غاليتي

[همس الغروب]

تحزم جرح بيه وراد ياخذ ثار
التفت شاف الخناجر تطعن بظهري


الله الله
شعر جميل جداً
تسلم الايادي عسوله
ارق التحايا

[احسان الجنابي]

جبرني الوكت انا رديت *** تشمت فرصة وجتك وانتى عاد من الله تبيها تدري انا احبـــــــك *** والله احبــــــــــــــك
شكرا لكي عراقية مع تحيات الجنابي

[احسان الجنابي]

الله على هذة الكلمات لكن هل هناك اناس يحبون بهذة القدسية
مع تحيات الجنابي