يا اغلى الغلا

[هاشم نجم]

تنيتك مطر ما اجه بكل الاوكات
ونطرتك حلم عز روحه على الجفون
كملتك صبر الكيعان الممحلات
بجت لكن كظوا وسفه اليسمعون
واجيتك تعبت كل المسافات
وسئلت بكثر كل اللي يسئلون
كتلي الحجي البعدك صار شاخات
تعال وخلي اسولفلك شيحجون
حتى اللي نحبهم صفوا شمات
وصروا اول الناس اليضحكون
وانا اسمع واشرب بسم الحجايات
لان مابيك ضنه ويه اليعودون
تجي ابالي واحاول عدد مرات
اكظ طاريك اشمك لكن اشلون
ارسمك بيدي هلال وضوايات
اءعيد بيك مو مثل اليعيدون
اسولف وي نفسي وحجيي شوغات
واكول لنفسي يمكن صرت مجنون
تعال وخلي اسكت بيك حسبات
فرتني الشوارع كل الضنون
اشربنا الهوى انا وياك كاسات
عجب هسه اللبن حسيته مشنون
يا اغلى الغلا واليجي والفات
كل عمري لجيتك شبه مرهون
ما تلكه اليعزك مثلي هيهات
انا لشوغتك ربيت العيون
ادورك وين كلي بيا ولايات
وانا بكل الشوارع كلبي مدفون
اغص بيك من اضوك الزاد غصات
واحس بالزاد حنضل بين السنون
اشمك من يهب الهوى نسمات
واغار عليك حتى من اليمشون
اول انساك تخنك صوتي عبرات
وارد عليك لهفه حزن مخزون
تعال الحزن لبسني عبايات
ثجيلات وضوت بيهن المتون
شسوي وكلبي كل مابيه دكات
يصيحك من يشوف اثنين يمشون
شكلك وين ما ترحل سلامات
بس خلني على بالك وانا الممنون

تحيات

هاشم نجم

[مسره]

الله شعر روعه انت مبدع في كتاباتك اخ هاشم فعلا
تقبل مروري

[ام فيصل]

تحياتي لك عزيزي هاشم

قصيدة رائعة بكلمات واحساس كبير

سلمت يداك اخي -- لكني سأحاول ان اسالك مرة اخرى هل هي بقلمك ام منقولة

واعذرني على السؤال

كل الشكر لما تكتبه عزيزي على صفحاتك

[سلام الدراجي]

اخي هاشم قصيده روعه وصور الروع وانت اروع من الاثنين تحياتي الك يامبدع

[هاشم نجم]

شكرا لمروركم الكريم
وردودكم الرائعه
تقبلوا تحياتي

[سلام الدراجي]

اخي هاشم قصيده رائعه وصور اروع وتبقى انت الرائع من القصيده وانا اشعر بردك للجميع برد واحد كانما انت زعلان من شي لا اعرف لكنه احساسي يقول هكذا على اي حال انا اريد رد خاص لي وحدي ههههههههههه تحياتي الك ياورده

[اسدالعراقي]

شكرا اخي العزيز هاشم نجم الورد
على الكلمات الجميلة و المميزة
عاشت ايدك وننتظر جديدك
وتحياتي

[هاشم نجم]

الاسد العراقي منور
شكرا للمرور والرد
دمت بخير