دحوك بثوب حسنك وانسجنه
بجهنم حبك ارضه وانسه جنه
انحبسنه بقفص عينك وانسجنه
وتحط رمشك كلبجات باديه
الوكت من عش حزنه مانقلنه
وحجي وادم لوادم مانقلنه
الدهر من امتحنه مانقلنه
واخذنه بكل درس اخلاق ميه
ماتدري بدمع عيني من كلاي
حبيبي ومعرفت شربي من كلاي
اذا مكتوب مايوجد منك لاي
ويه الهوه ابعثلك تحيه
اريد الزم خديدك واشتمنه
واريد العن ابيك واشتمنه
تدري شراد كلبي وشتمنه
عله صدرك اموت وهاي هيه
بس انته الخنت وياي الوعيد
وانه بس اكرر بحجي واعيد
ايامي وياك مو فرحه ولاعيد
رمضان جوع وعطش وهم واذيه