قصيده بحق الامام العباس (ع)

[نسيت انساك]

بسم الله الرحمن الرحيم

اخواني

اخواتي

اليوم جبت الكم قصيده بحق الامام العباس (ع)

ما بين الخيم والجيش شفتك كربلاء بوحدك

ومابين النهر والجود شفت كل الدرب زندك

شفتك ماشفت غيرك شفتك جن جبل من نار

سد حتى الافق طولك وانته بكل كتر بتار

كلشي بكربله يصد ليك كلشي بدورتك يندار

سكته وسلمت للموت واصبح موتهه بيدك

تتجمع سرب وافواج تتوزع يسار يمين

واشوفن واهسك مكطوع مايسوون
خزره عين

سل سيفك بالف سبعين وكبالك الف سبعين

اصبح واحد بواحد بعد ياواحد بكدك

وصعدت على المهر زعلان ودموع العقيله وياك بعد يا كربله تكفيك

وضحكت رايتك مناك الميدان خطوه طير وانته بخطوتك لهنـــــــــــــك

يعني شمايفر الجيش يبقه مدوهن بحدك

رحت متعني كلب الجيش وينه الينعد بالاف

لانه ولاكلب ينشاف صار الجيش بس اطراف

رحت تردم يمين الجيش لنه بيسرتك ينشاف

من الجبل نازل سيل عوفه ومحد يسدك

رحت تتخطه حد الموت وصارو راس يضرب راس

وناس انداست من الخيل والخيل بزلم تنداس

ولن العلكمي يناديك غص بزحمه الحراس

لم طوله ووكف حياك من صار الحرس عبدك

ونزلت من المهر للماي وجم عباس من شفتك

ووكفت على النهر والكاع مدري شلون شايلتك

شلت الماي بجفوفك شفت حسين شفت اختك

كطره ماي عاد اشرب واطفي النار البجبدك

عجيبه البيك كلشي البيك غيره ولبدت بظهرك

وين بيا زمان يصح موطبعك طبع مهرك

حتى المهر علمته كبل لا يشرب ينضرك

واذا مهرك يضل عطشان يصبح ياعذر عندك

رحت وعناد صار النوب ماتوصل للمخيم

والتمت عليك الناس حتى الشارد
تحشم

كالو نعرف العباس وجه بوجه ماترهم

نعرفه شلون من يزعل اجبال على السهل تندك

والحل الحل كالو انغدرك وانته تريد ملكاههم

ومن نحسب اعداد الجيش نحسب نخل وياهم

جيش عداك جيش ظماك كلشي هناك وياههم

وانته ودمعه التاريخ والكل اصبحت ضدك

الف عباس بيمينك والف عباس بشمالك

وبطهرك الف عباس والف عباس بخيامك

وجدامك الف عباس وعين حسين تبرالك

اعرفك اعرفك بأول كماطك تنام المرجله بمهدك

بديت انته بديت انته وبدت وياك بحر والتم على شراعك وضحك سيفك من واجهه الموت سلم منحني وطاعك
ولون سيف الغدر ممنوع منهو اليوصل ذراعك

وحكك جاملكهه الموت كلهه ولاذت بسدك

منقول

مهرجان الرايه الثالث

للشاعر الحسيني عبد الخالق المحنه

[ام فيصل]

احسنت ياغيث
وعطر الله انفاسك عزيزي
قصيدة رائعة ومباركة
رزقنا الله وإياكم شفاعة ساقي عطاشى كربلاء الليث الهصور ابو الفضل العباس عليه السلام

دمت بخير
مع تحياتي لك

[سامي المشكور]

يستحق الكثير الكثير قمر بني هاشم عليه السلام
بوركت وجعلها الله في ميزان حسناتك

[عمار الغزي]

تحياتي لك اخي الغالي غيث
وعاشت الانامل التي ابدعت
بقل هذه القصيدة
لك الاحر والثواب
اخوك الغزي

[نسيت انساك]

شكرا لكم اخواني واختي ام فيصل على المرور الجميل تقبلو تحياتي الحاره

بارك الله بك اخي العزيز
على هذه الكلمات المبدعة بحق ساقي عطاشى كربلاء
ابو الفضل العباس(عليه السلام)
واسأل الله ان يحشرك معهم انشاء الله
دام لنا هذا العطاء وهذه الكلملت الجميله
ننتضر منك كل ما هو مبدع من ابداعاتك الكثيره
تقبل مروري
مع تحياتي

[انين الدموع]

اللهم صلي على محمد وعلى ال بيت محمد

بارك الله بكم وجعلكم من انصاار ال بيت محمد

[نسيت انساك]

شكرا لكم على المرور الجميل تقبلو تحياتي