أرتضيتك مـرض سل وتـاكل إجلاي
وكَلتلك يالـعزيز إشبع عوافـي
آنـه ويـاك مـانـختلف بالـراي
جسمين اونعيش إبكَلب صافـي
امنشوفك أنسه روحي وترجف اعضاي
وبالـحچي السلس تعثراشفافـي
ودّعـتك وداع الـكَـاع للـمـاي
واحس بُعدك جبل ساحك اجتافـي
اخلافك عكس كَـام اتـدور دنيـاي
وعكس دنيـاك مادارت إخلافـي
چذب مـاتلكَه صاحب درب وفّـأي
ينـزل عالـجرح مثلي اويوافـي
مـاأهتم لونّـك تـوكّف اويـأي
بيك إشما متت تـحتيي اطرافـي
الطبيب انته الوحيد الشخّص الداي
وبكيفك تـمرّضنـي اوتشافـي