أشرب دمعتي وماأخسرك الماي عتاب الحبيبه

[ايات علي]

يجي وكت العتب وأتعاتب وياك
وأخليهن بديك أذنوبك وياك
اني الشلتك جمر يحرك بالجفون
وأظل خايف عليك يلوحك الماي
أثر سهم المضى منك اداويه
وأحضرلي مكان السهمك الجاي
أتلكه الحزن منك وأهم بيك
وياملكه اليسرك مثل ملكاي
مثل صبيره أموت من العطش موت
أشرب دمعتي وماأخسرك الماي
وكل روحي صبر وتحمل اجروح
أجرح لاتخاف أتحمل أهواي
هينه أشما شفت منك أجازيك
أرده أضعاف ألك دكاتك وياي
أتحاسب وياك الجرح بثنين
أعوف الراح ألك بس آخذ الجاي

ايااااااااااات علي

[الكناري يونس الجبوري]

اني الشلتك جمر يحرك بالجفون
وأظل خايف عليك يلوحك الماي


هذا البيت لوحده يعادل قصيده لدقة التعبير والوصف وبلا انتقاص من بقية الابيات
دمتي بهذا التألق اختي الغاليه آيات
وبانتظار كل ما هو جديد من بوح قلمك الراقي
تقبلي مروري
وتحيتي لك

[الشيخ ابوحيدر]

الله الله الله
اقولها ثلاث لروعة وحبكة
هذه الرائعه ولاكن ملحوضه بسيطه
فقط تكرار كلمة الماي
والا القصيده قمه في الروعه قرئتها ولم
استطع الذهاب دون الرد
تحياتي الجميل يقال له
الله

[ايات علي]

مشكورييييييييييييييييييين ياغلى الناس

أجرح لاتخاف أتحمل أهواي
هينه أشما شفت منك أجازيك
أرده أضعاف ألك دكاتك وياي
أتحاسب وياك الجرح بثنين
أعوف الراح ألك بس آخذ الجاي


الله عليج ياوردة هاي المرجية احسنت وعاش قلمك يامبدعة شمااكول قليل بحق هذه الكلمات تحياتي ومودتي لك يالغالية وتشرفت بك تقبلي مروري

[ايات علي]

شكرآ لمروركم هذه الصفحه

[عقيل كريم الشويلي]

كلام جميل اتمنى لك التوفيق والابداع الدائم تقبلي مروري بين اسطر كلماتك الجميلة مع تحياتي

[ايات علي]

شكرآ لمرورك هذه الصفحه المتواضعه عزيزي