ملاك ........
ولامره الكلب حسيته يتغزل
ولان كلك حسن طب البشر بشفاك
علي كام الكلب جذاب يتعلعل
يل وجهك شمس وشفاك وكت غروب
الكعده وعلي وياك ماتنمل
ولان طرت صبح هذا السمار البيك
اذن ماكو صبح لو قررت تزعل
ويل عينك بحر ورموشك انته الموج
ويل خدك ورد بس ورد مايذبل
ويل طولك غصن بس غصن كله ورود
واحنه الشجره عمي بكيفك اتدلل
ياكوكب حسن دايخ شوصف بيك
شعرك ليله ظلمه انتيه من ينحل
ويل حجيك شعر والصوت جنه انغام
وعلي بيك ابتسامه اتيه اليندل
ولك شايل حسن ظليت اشكن بيك
يعني انته بشر ؟! عقليتي ماتقبل
ولك شايف مشيتك من تريد تفوت ؟
ولك شايف وجنتك لو ردت تخجل ؟
ولك كلك لغز بس انته الك حلين
لو حلك ملاك ولو ملاك الحل
ياشوقي اليوصفك .. كلي ياسياب
كلها اتيه بيك تكوم ماتندل
وانا بكل هذني وهسه ماحيران
موقصدي الكفر والكعبه اريد اسأل
الجابك بشر ؟؟.... يعني مثلنه ايعيش ؟
لو أنته ملاك من السمه منزل ؟!!!!
منقوووووووووووووووووووول
تحيااااااااااااااااااااتي
رد مع اقتباس
رد: ملاك ........
