قصيده للي ميكدر ينسه حبيبة..

[فراتيه انا]

اريد وياك اسولف ولاتزعل ارجوك
واخاف افتح جرح وماتكدر اتشده

واريد وياك اعاتب اعتاب الاحباب
فاض الكيل بيه وصل عدحده

وصل حد للتشبع بيه فرد نوب
اكول شبيك خايب ماتهده

تهده ولاتهد كلهن فرد نوب
راضي شما تهد بس وحده وحده

هد كلشي عليه انه ماكول
بس حبل الوصل بالك تهده

يل حالي وياك حال الطفل مفطوم
من يلزم لهو شتضن يهده

احس طبعك تغير ماهو الاول
واحسه تغيرت بيك الموده

شبيك اتغيرت وصرت عاكول
بيدي انه الشتلتك وجنت ورده

ورده وبنص مزهريه وجنت ازكيك
تعب فلاحك عليك انطيه جده

جده الكلب منك ويتنفس هواك
كلب هواك هذا ناوي تخنكه

يلعلكته بيدك مثل خيط كبان
لاانته التصعده ولاتهده

واريد انساك بس مااعرف شلون
اذا طيفك مجلب بالمخده
.
.
.
تحياتي الكم

[السومري71]

قصيدة جميله وكلمات كلها حب وعتب
اثني على حسن اختيارك
تحياتي

تنقل الى قسم الشعر الشعبي

[الكناري يونس الجبوري]

قصيده رائعه عاشت ايدك على النقل الجميل وصح لسان شاعرها
تقبلي مروري
وتحيتي لك

[أنثى شرقية]

تهده ولاتهد كلهن فرد نوب
راضي شما تهد بس وحده وحده

هد كلشي عليه انه ماكول
بس حبل الوصل بالك تهده

يل حالي وياك حال الطفل مفطوم
من يلزم لهو شتضن يهده

انتقاء رائع لتلك القصيدة عاشت اناملك ننتظر ابداعك القادم عزيزتي
تحياتي

[طالب الناصري]

سلمت لنا الفراتيه
انتقاء اكثر من رائع

[الشايب العراقي]

عاشت اناملك ننتظر ابداعك القادم عزيزتي

[همسة ولاء]

يسلموووو الانامل رائع ماطرحتى

دمتي مميزة

كل الود
همسة ولاء

[فراتيه انا]