نخلة وطحت
مستحية بربيني لحك ...
لكن خوه الحيل وذبت
أشكد عاينت ...
ردتك تفك باب الكلب ....
وتجيب كطرة مستحة الكصتي التكت
ماحاولت ....
وتونست من كالوا .....
أعيوني غفت ..واحتارت أبروحي الصور
وأنكلب حيلي اتسودنت ...
ماصدك اشفافك وهم
لو لزمت اجفوفك حلم بيها احلمت
مامقتنع أنك رحت ........
كل لحظة وجهك ينحني
وتبوسني أشفافك ردت ....
وأغفة بحظن حبك عمر ...عمرين
عشرة وزودت......
يازاهي .....يالكلك حلو ....
حتى بعذابك كيفت
وتأملت جرحك دفو ...وزعلك عسل ..
صوتك نغم بيهه اطربت
تغيب وأعذرك وأشتهي جيتك
وأشوفك حاولت ....
أشكد كالوا مسودن عشك
أشكد حجو عني وماتبت
وتحملت ..............
وادري انته وحدك بالعب
وبكلبي وحدك ثبتت
مستغل طيبي ولهفتي
وفن بعذابي تفننت
وأنه أعله طولك شوغتي...
لو شفت ظلك فرفحت
أشكد حاولت .........
من دونك أبدي بدنيتي....
وأختم على حبك كلت
لكن أجيت أنت بحلم
وبوسات من عندك ضكت ...
فزيت من لذة الحلم
وبحبك ابقى قررت
هو أشبقى من العمر .......
لحظات وبشوكي متت
بقلمي الشاعر
يحيى الحميداوي
8-2-2011