دمعة غدر..............بقلمي

[عقيل كريم الشويلي]

تفتر عكس دنياي وياي

وانه بكل رحابة استقبلتهه

خلهه اشما تدور اسنين وكتي

ادور وياهه انه وابد مابدلتهه

انه علمتهه اعله الصبر روحي

وأنطيتهه اشما تريد وما عاندتهه

ابد ما أحجي بظهر صاحب ألي

وأدرس روحي وشكد علمتهه

انه دهري شوفني عبر ودروس

ودروس دهري خناجر بالظهر علكتهه

انت جرح وربيته من الزغر وياي

وشديت اجروحي بروحك حزمتهه

اكتبت كلمات من تاريخك المشؤوم

وبنص كلبي الينزف اجروح احفظتهه

انه مدلل بس رابي اعله الصعاب

وجروحي اعله اوتار الحزن دللتهه

يدمعة وغافية بنص العيون

تبقة دمعة غدر اشما نزلتهه

بقلمي
عقيل كريم الشويلي

انه مدلل بس رابي اعله الصعاب


وجروحي اعله اوتار الحزن دللتهه


يدمعة وغافية بنص العيون


تبقة دمعة غدر اشما نزلتهه




الله عاشت ايدك ياشويلي وصح لسانك تقبل مروري مع تحياتي

[يحيى الحميداوي]

ماتهمك دمعة أبقى أنت الاصيل
فارس وما تصعب الصعبه عليك
عوفهم خسرو أذا ماعاهدوك
لأن مافهموك ما عرفوا البيك
أنت كلك طيب من طهر الجنوب
وبيك لذة مستحه اتبين بديك
أنت عشكك يعني عشكك أنتحار
ويعني همه أشجابهم يحجون بيك
الرائع الشويلي شكرا لك على هذا الجمال
أعذر قلمي حين أرتجل هنا .....تحياتي

[عقيل كريم الشويلي]

الرائعة فاتن وهيب لكِ تحياتي وشكرآ لمرورك هنا يامبدعة تقديري لكِ سيدتي

قصيدة اقل ما يفال عنها جمبلة شكرا لك شاعرنا المبدع

[عادل المنصوري]

مفردات جميله اخي عقيل
صغتها بقالب صوري رائع

[ام فيصل]

انه مدلل بس رابي اعله الصعاب



وجروحي اعله اوتار الحزن دللتهه



يدمعة وغافية بنص العيون



تبقة دمعة غدر اشما نزلتهه




وللصعاب رجال هم أهلا لها
احسنت التعبير يالشويلي
معاني جدا رائعة
واحساس بالألم عميق
دام لنا هذا الفيض والمداد
مع خالص تحياتي

[محمود شاكر الهلالي]

تعبير جميل ومعاني أروع

أحسنت وصح لسانك اخي عقيل

تحياتي لك وسلمت الايادي يا مبدع