دارميات جديده لعيونكم

[الشاعر ماجد الدعمي]

لساني مامليت مناطر تجيني
طبعا اظل تانيك ياكحل عيني
****
بسمك اصيحن حيل وخل يسمعوني
ساكن بروحي سنين ومالك ظنوني
****
لا ذني موش عيون عبالك سيوف
وكل ليجذب هاي يدنه ويشوف
****
ميت واسولف بيك جا يمته انساك
مو تظلم الدارين لو انه ما الكاك
****
بشفتك طعم ما صار لا مثله موجود
حسنك يماي العين اتعده الحدود
****
كوم اعله طولك كوم خليني اشوفك
لو يمي ملج الموت لتظن اعوفك
****

تحيات ماجد الشاعر
26/ 3 /2009

[همس الغروب]

حلللللللوة
دارميات روعة
تسلم الايادي خيو
ربي لا يحرمنا من قلمك
تحياتي لكـ

[الشاعر ماجد الدعمي]

شكرا لك بسمه الغاليه
وسعيد بمرورك الجميل
لك مودتي وتحيتي ...

[الشايب العراقي]

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

[محمد السوداني]

بشفتك طعم ما صار لا مثله موجود
حسنك يماي العين اتعده الحدود
****
كوم اعله طولك كوم خليني اشوفك
لو يمي ملج الموت لتظن اعوفك
****

تحيات ماجد الشاعر
26/ 3 /2009

الله دارميات روعة عاشت ايدك اخي العزيز ماجد الشاعر حبي مشكور
ننتظر دائما مايجود به حسك المرهف وقلمك الاكثر من رائع
لك مني كل الود والتقدير يارائع

[ابن الوسط]

تسلم يلشاعر
احساس وذوق وشاعريه
تحياتي يلغالي

[الشاعر ماجد الدعمي]

حبيبي الشايب العراقي شكرا لمرورك الجميل
ولدعوتك ربي يوفقك ..

[الشاعر ماجد الدعمي]

شكرا من القلب اخي الكريم محمد السوداني الغالي
وسعيد جدا بمروك الكريم وكلمتك التي اعيز بها
تحياتي