حلم شاعر اجاك؟؟؟؟؟؟؟؟؟

[الشيخ ابوحيدر]

اجه نهر الفرات وجاب الجـــروف

ودنـﮕـ عــل حسين وباس رجلينـــه

ﮔـله دخيلـك انه صابني الخـــــوف

من شفت ابوفاضل خـنزر بعينـــــه

لبت واحرمت روجات مايه صفوف

على خيام الحسين بحرﮔـه لبينـــــه

والماي العـذب لسكينه راح زحـوف

كتلني الــعطش ﮔـلها دخيــل يسكينه

الجرف بحبال كافر ﭽـان مـﭽـتوف

عليه وﮔـفت حراسه سيوف صوبينه

لـﭽـن من شاف طفل حسين ملهوف

ركـــض نهر الفرات وعاف جرفينه

ومـن صار الـنزال وبرﮔ السيوف

ﮔـام الـجرف منه ويركــــض بطينه

وﮔـف وﮔـفه عل حيله النهرراد يشوف

ومن شاف ابو اليمـــه دمعت عينـــــه

وابـــد ماعطش طفل بيوم الطفـــوف

حلـــــم شاعر اجاك العطش ﭽـاوينه

ولان نهر الفرات ثنين بيه جــــروف

تعنالــه ابو فاضل عاف ﭽـفينـــــــه

وفاءً لبو فاضل مايه عيب يطــــــوف

بلع مايه الــــفرات ونزع ردنينــــــه

بلع مايه الــــفرات ونزع ردنينـــــــه

بقلمي الشيخ ابوحيدر

الشويلي

15|12|2010

[أنثى شرقية]

عطر الله انفاسك ياطيب وجعلها في ميزان اعمالك
وينطيك مرادك الحسين
الف تحية لك

[ام فيصل]

تصوير رائع يبو حيدر


ولوحة حسينية رائعة


جسدت الحرمان من الماء في واقعة الطف


رائع واكثر عزيزي


انالك الله شفاعة ساقي عطاشى كربلاء واخيه المظلوم



مع تحياتي لك ولجمال هذا المداد والحرف



دمت بخير


مع تحياتي لك

[الشاعر محمد الحميداوي]

عن لسان حال ابي الفضل

اليوم الشاطي يذل الجودي ويعرك مايه ابين جروفه
اني الساقي ويدري بزودي لودارت مااهاب صفوفه

تقبل تحياتي يا مبدع وسلمت الانامل

[السومري71]

قصيدة رائعه جمعة صور شعرية جميله
لتعلن عن قدرة هذا القلم وتفننه في صياغة الدرر النفيسه
اخي ابو حيدر
كتاباتك لها وقع خاص في قلبي
امنياتي ان يستمر هذا القلم النازف بكل تميز
تحياتي وتقديري
وعظم الله لك الأجر

[ايناس الجمال]

النهر ما بيده شي من مات الحسين

لان الناس من تعطش تجيله

السبب من البشر من منعو الماي

وخلص عطشان متيبس دليله

حجيت بحلم صورته بخيالات

وانطيت الحلم صوره جليله

تقبل مداخلتي شيخ ابو حيدر

[شوك الشفايف]

ألشيخ ابو حيدر الغالي تذوقت القصيدة
حتى كاني بمهرجان كبير وسمعت القائك
لهذي الرائعة فصفقت حتى نسيت ان افل يدي اليسرى عن اليمنى ..

[الشيخ ابوحيدر]

[quote=عيون المهى;1018424]

عطر الله انفاسك ياطيب وجعلها في ميزان اعمالك

وينطيك مرادك الحسين

الف تحية لك

الله يجعل رك في ميزان
حسناتك تحياتي لهذا المرور
وجمعك بعقيلة الهاشميين
زينب