دكيت باب الوطن
دكيت باب الـوطن وابوابه مسدودة
ومن فتح بابة انزلن دمعات بخدودة
صب الدمع واشتكى من دون ما يحجي
وصعبة علية من شفت عين الوطن تبجي
يا وطنا الحلو راحت حلاتك وين
راحت وصارت قطع سودة عل الحياطين
ياوطنا الحلو يا زين يا غالي
الناس جانت كبل تتوسل اتشوفك
وهسة صفت بالعكس تتوسل اتعوفك
ابجي على بلدي ابجي على بغدادعل المتحف ..على التاريخ والامجاد
على الصحفي ..على الفنان .. الماي .. الاشجار ولاغصان
ابجي على القتل ما بين هل الخوان وابجي على الغدر وعلاسة الجيران
نذبح بعضنا ذبح والاجنبي والمحتل نتوسلة بالبلد يبقى ولا يرحل
السبب خوف الشعب من حرب اهلية ومن معركة حاسمه سنية شيعية
المن يكون النصر والمن يكون التاج ويا مذهب الينتصر وتحج اله الحجاج
من يا ترى المنتصر لو فاض بينا السيل ولكم ترة المنتصر امريكا واسرائيل
هذا العراق الحلو بيه الزمان اندار ولو نار هسة طفت تشتعل باجر نار
الليل ذاك الحلو ليجنن ابغداد اصبح يضيك الخلك وايامه ما تنراد
والماي ذاك العذب ما عاد نفس الماي روجاته يبجن دمع واحزان بيه هواي
الصار بينا وجرى ما يخطر على البال ومو كل دمع ينبجي ومو كل حجي ينكال
بسبب وبلا سبب نتكاتل على المال ونسينة عدنا وطن وجروح بيه اشكال
شاف العراق الحلو من الهموم اشكال وياما انجرح هلوطن بس ما بجت عينه
ونصحونة ياما بشر نرحل لغير بلاد وما عفنا هذا البلد ونحبه ظلينا
بس خايف يضيع الوطن ما بين هذا وذاك وشيعوضة النا الوطن لامال لا املاك
نحتاج مال الدول مال تهدينا بس لو طلبنا وطن ياهو الوطن ينطينا
بعد ما جابته امه اليمسجن يالعراقيات حلوات الطبع واخلاقجن حلوة
والرايد يمسجن يالعراقيات مايكدر ويغديلجن فدوة
انتن للعراق احزام يالحلوات انتن شوك ياخذنا ويرد بينا
احنا بشوفجن ياعيني متولعين وياجن عمرعشنا وتربينا
بالجبهات ما بجانا طاري الموت بس فراكجن هوة الييبجينه
رد مع اقتباس
رد: دكيت باب الوطن
