اريد ارجع لبغداد(ادخلو ياعراقيين

[نورس العراق]

اريد ارجع انا لبغداد والنار اللي بكلبي بشوفتها اطفيها

اريد ارجع انا لبغداد واشم ترابها وجفوفي احنيها تعبنا هوايه البعاد ونار الغرب لارواحنا تجويها



اريد ارجع انا لبغداد واظل هناك ابجي .. وكل نخله بدموعي ازكيها

ومن دجلة اغرف ماي ما غير دجلة للروح يرويها




اريد ارجع انا لبغداد اشوف اهلي .. اصحابي .. اخواني .. واسهر لياليها

واكضي البقة من عمري هناك .. واموت هناك واندفن بيها

اريد ارجع انا لبغداد اشوف امي الحبيبة .. وابوس

ايديها وانام بحضنها نومة الاطفال يا محلى الدللول لمن تغنيها



اريد ارجع انا لبغداد .. محلتنه القديمة .. ومدرستي اللي تعلمت بيها

اريد ارجع انا لبغداد وكل همومي على دجلة اشكيها

كلنه نشكي همومنا عليه ما يوم شفناه لهمومه يشكيها
اريد ارجع انا لبغداد واصلي ركعة بالنعمان .. والثانية بالكاظم اصليها

ولو وكفه على الجسر ولو مشية بشوارعها امشيها



اريد ارجع انا لبغداد وافك قيودها .. وتضل حرة اخليها

لا تصدك ابن غير بلاد اله غيرة على بغداد ويحميها

اريد ارجع انا لبغداد واموت هناك واندفن بيها اموت هناك واندفن بيها

[نورس العراق]

اتمنى الردود الجميله منكم

مع تحياتي


لايجوز نشر الايميلات اعتذر منك لحذفه

[ارشيف الفرات]

اخي العزيز

مشكور لمجهودك الرائع
لكن يمنع وضع الايميل
ورفعه هنا عليك بحذف الايميل رجاءا
تحياتي

[cyranoo]

اريد ارجع انا لبغداد وافك قيودها .. وتضل حرة اخليها

لا تصدك ابن غير بلاد اله غيرة على بغداد ويحميها

اريد ارجع انا لبغداد واموت هناك واندفن بيها اموت هناك واندفن بيها

جميل كلش هذا الشعر ولو قلبت علينا المواجع
مشكور اخي العزيز
و بارك الله بيك
تقبل تحياتي
اخوك سيرانو

[العراقي الطيب]

حلو كلامك ورائع ارجع لبلدك ارجع لناسك ويارريت كل البعاد يرجعون لان مشتاقين الهم تحياتى الك اخى

[ارشيف الفرات]

الله يرد كل غريب
شكرا لك ولطرحك

[آمـاني]

والله القصيدة بكتني رغم اني داخل العراق

[العراقي الطيب]

حبيبى كلك روعة واحساس بالوطن عسى ربي يسكن كل الى بالوطن ونعيش بسلام واخوة لالابد تحياتى الك ولمشاعرك

ياول درب على الجدم مشاني

اذا دمعي نهر ابجيه كله اعليك

وخلي الروح دوم بعدك تعاني