بسم الله الرحمن الرحيمعدت اليكم من جديد وياليتني لم اعد ولم اشاهد النور
السلام عليكم
تبا للاربعاء تبا لها ولشؤمها
يوم حقير بكل معنى الكلمة لاتمرنا اربعاء فيها فرح لاتمرنا اربعاء لاننفجع فيها
يوم ويالهو من يوم دمرنا واحزننا في اسبوعين متتاليين في الامس قتل الابرياء المدنيين العراقيين الذين يصارعون الحياة كل يوم من اجل ان يعيشون حياة كريمة تليق بالانسان
واليوم سقط في الاربعاء كوكب بل احدى طبقات سماء الدين الاسلامي بشكل عام والشعب العراقي بشكل خاص حجة الاسلام والمسلمين سماحة السيد المرحوم عبد العزيز الحكيم "قدس الله سره"
قصيدة متواضعة بعنوان
"عبد العزيز الحكيم "رجاءا رجاءا استحلفكم بالله العلي العظيم ان تقدموا تعازيكم بغض النظر عن انتمائاتكم المذهبية والسياسية فالحكيم كان للانسانية جمعاء وليس لهذا او ذاك
يوم الاربعاء اصبح مثل كابوس
لان كل اربعاء ننصدم بحجاية
الاسبوع المضة بي ماتوا الشبان
ويوم الامس طاح اعله الارض اية
علم فوك السمة ولمن وكع عالكاع
بالاسلام انحنت وانطرحت الراية
انت ابن الولي انت شبل زهراء"ع"
يطيح اشلون بالله الحامي الولاية
اشجم حرب اوشكت بس ماتركهة تثور
وصد بعمامته كل رمي الرماية
حموا دين الاسلام وضحوا بالاف
وظلوا للوطن سادتنه حماية
نهر نبعة محمد"ص" نبعة اصل الدين
ومجراه حيدره"ع" لا مانشف ماية
شكثر ماتوا عليه اعلام للكونين
صدور اشكثر ضحوا وانطوا فداية
ومن ال الحكيم انطينه لمت اورود
من سيدنه محسن لاخر نهاية
ولد حيدر علي"ع" ماهابوا الدفان
لان بالجنة سكنوا وثبتت هاية
الدمع قاصر اذا ابجي اعله نور الدين
ولو دم ابجي ماظن دمي كفاية
يمن لف الليالي اعمامه فوك الراس
وجبتك غيرتك والغيرة وفاية
مظلوم انت جنت اسنين بعد سنين
انتصرت اليوم انت ونلت هالغاية
يم كبت علي تندفن ردت هناك
وليك بكل كلب جادر وعزاية
عمت عين الممات اشلون هيج اسباع
توكع عالارض وتضل الارداية
اريد اكتب بدمعي ومن دمة المحراب
اظل ابجي الحكيم وتنعه نعاية
واظل امشي اعله دربه ومااغيرة بيوم
طريق البيه حسين"ع" اعليه مشاية
تاليته بفخر نلقي احنه الزهراء "ع"
مرفوعين هامة بزود الولاية
بحجيك دوم كون انت حكيما
تداوي المنجرح وبلا حكيما
وخلي قدوتك سيد حكيما
وفة الدينه وهلة ال لفي المنيه