دارميات بحق ابو الاحرار عليه السلام

[هاشم نجم]

هذه الدارميات بحق ابو الاحرار الحسين عليه السلام
****
طيـر ويـريد جنـاح ماتكـفي جنحـين
هـيج الـﮔــلب ملـهوف لزيارة حسـين
****
بيـن الحسـين وبيـن حضرة العـباس
روحي ترد وتـروح ضلت يهالناس
~~~~
لو مانهوض حسين وﮔـطعت الجفين
چـان أنطوه وجا مات كل ذكر للدين
***********
ﮔـلبي أنفطر ياناس وأنجسم نصين
نص كله لأهل البيت والثاني لحسين
***********
للخوه مفخر صار قدوه لهالناس
غيره وشرف وأيمان من مثل عباس
***********
حسين أصيح حسين من زغري يحسين
ساكن أبلب أحشاي ما شافـتـك عــيــن
***********
ايدگ ﮔـلبي بسمك صار كل دﮔـه ابوحسين
عالفطره واعشـﮔـناك ما شافتك عـــــــين
*********

حبك علي بحشاي يسري وي دمي
أسمك نشيد وياي من أطلوك امــي
*********
مبروك الف مبروك ليكم يشيعه
انولــدت بهالـيوم الــكم شـفـيعـه
*****
للزهره هذا اليوم يطرب لساني
وللشيعه بالأفـراح زف التـهـانـي
*****
كل دﮔـه بالـدلال صاحت يزهره
الفرح هـذا اليوم اصـبح اشـكـبره
*****
أفرح يـﮔلبي اليوم وك بطّل النوح
مولد الزهره اليوم خل تفرح الروح
****
أفرح وي أهل البيت يا ﮔلبي وذوب
وأغسل بحبهم ﮔـوم شما عنـدك ذنوب
*****
كـون الوكت ينعاد ولصحنك أنعود
نحـلـف يبو السجاد منعـوفك اردود
****
حسـين الـدرب للفـوز بالك تعـوفه
بيـوم الحسـاب وياك باچـر تشـوفه
******
يـا ﮔـلبي رف وطـير وديني لحسـين
اغسـل ذنوبي هناك وي دمعة العـين
*****
كل المـلك هاليوم فـوگ الوطـيه
خـدام اجت لحسـين ابن الزچـيه
*****
أذراعـك وي حسين حطه بذراعـه
مـيـخيـبك بيه يوم ترجه الشفـاعـه
منقول ....

[الشاعر ماجد الدعمي]

السلام على اهل بيتك الرحمه ومختلف الملائكه
حبيبي الغالي هاشم احسنت وجعل الله ما سطرت هنا
بميزان اعمالك / تحياتي

[هاشم نجم]

شكرا لمرورك وردك
اخي ماجد الشاعر
تحياتي لك

[ام فيصل]

احسنت عزيزي وعطر الله انفاسك ياهاشم
اختيار رائع وموفق -- عاشت ايدك
وتحياتي لك يارائع

[هاشم نجم]

شكرا للمرور والرد الرائع
تحياتي لكي
اختي ام فيصل

[عاشق عيونك]

طيـر ويـريد جنـاح ماتكـفي جنحـين
هـيج الـﮔــلب ملـهوف لزيارة حسـين
****
بيـن الحسـين وبيـن حضرة العـباس
روحي ترد وتـروح ضلت يهالناس
~~~~
لو مانهوض حسين وﮔـطعت الجفين
چـان أنطوه وجا مات كل ذكر للدين
جزاك الله خير تسلم

تحياتي

[اسدالعراقي]

السلام على الحسين ( ع ) وعلى اصحاب الحسين
شكرا اخي العزيز هاشم نجم الورد
على الدارميات المميزة
عاشت الايادي اخي اختيار رائع وموفق
وتحياتي

[هاشم نجم]

شكرا على المرور والرد الجميل
يا عاشق عيونك
لك تحياتي