مجموعة من أجمل الابوذيات

مريض ولاجنح عندي ومركم
وطحت مابين امرالله ومركم
ويمته من المرض اخلص وأمركم
وأعتابي علي الصديج المامر عليه





يراميني الدهر مره وراميه
وأهيس بالكلب صارت وراميه
معذب من جنت جاهل وراميه
الدهر وانه طفل يطرد عليه







وصفنا ومارحل وصفك وصفنا
ويلي عايش بقلبك وصفنا
اتمنه انت بمدرستنا واصفنا
ولو تاخذ صفر نطيك ميه







الدهرفرهدأهدوم العلي وعباي
وحملت هموم جماوضيم وعباي
جلب أهل الكهف من صحت وعباي
نبح وأهل الكهف فزعو عليه







الدهر مرات لمنه ومره ضعنه
رمه أبن امي وعليه مره ضعنه
أذكرت ثدي الطفوله مره ضعنه
وغدت بلكلب لوعاتي خفيه







امي بزغري توعضني وعضها
وكولن هم اجازيها وعضها
أذكرت من جنت ألوعها وعضها
أذكرتها وشبت النيران بيه








أعله دربك جنت أوكف أومي أنا
ونطب البيت نضحك أومي أنه
تباري ألام لبنها أومي أنه
شجاها أتحيل بلوادم عليه
مما راق لي

[سلام الدراجي]

عمي والله صاير اتخبل ابوذيات روعه تحياتي ياسالم الزير والف شكر لك

[حيدر القريشي]

باقه رائعه من الابوذيات
شكرا لك اخي العزيز
تقبل تحياتي
مع اطيب الامنيات

[ملك الرومانسيه]

مشكور على هذه الكلمات الرائعه التي اروعتني
مشكور ي الزير وبارك الله فيك

[y_n_d69]

باقة من ابوذيات رائعة واهنيك يا زير سالم وتقبل مروري اخوك:ابو سمرة

[نسيت انساك]

الله الله كلمات في غايه الروعه
دمت بخير اخوي الغالي

الله لايحرمنا من هذا المرور العطر عيوني

تقبلوا تحياتي جميعا

[مريم جبران عودة]

معانٍ رائعة

شكرا لكم اخي الفاضل

على النقل الجميل