ناكر الأحسان.........بقلمي

[عقيل كريم الشويلي]

دفنه ارواحنه بعش العصافير
وخفينه اجروحنه بأقفاص الأحزان
ونزفنه العمر دمعات وألام
وفضحنه اشواكنه بفي الاغصان
لمينه اوراق العمر من الدروب
وطويناهن كلهن بصفحه النسيان
ياعيني اعله الدرب بسج لاتنطرين
هو اليترك جرح يتأثر بنيشان
ياسلطان عمري اتهده العرش ميدوم
ترة عرش الله اكبر من السلطان
تسكيني هجر اسكي اشماردت حيل
متعودة من الزغر روحي عله الهجران
شربتني من كاس العذاب اهواي
وأنه شربتك الروح وماكلت ندمان
يبو ضمير الميت اتركني وروح
هو الميت ضميرة ايحركة الوجدان
اكعد وي روحك وذكر شسويت
وشوف الجرح هم ايطيب بالنسيان
أنه فقلت الروح بأخر محطة
وبمحطة احزانك تركت انسان
درس من غدرك اهواي اشياء
واولهن يكلك انت ناكر الأحسان



بقلمي الشاعر
عقيل كريم الشويلي
13-12-2010

[شوك الشفايف]

الله.....الله
نثرت...سحرا بلغة الشاعر المتمكن ......والله صفقت لك..حتى اثار تصفيقي
انتباه كل اهلي..فقراو ماقلت فصقنا جميعا..شوك

[عقيل كريم الشويلي]

انت المبدع والرائع شكرا لهذا الأطراء الجميل لك تحياتي وامتناني ياشوك الشفايف

كلمات في غايه الروعه اخوي سلمت اناملك على هذه السنفونيه

اللتي عزفتها فاجدت عزفتها وطاب لمسامعي لحنها

تقبل ردي ومزيد ودي

[الشاعر محمد الحميداوي]

الله عليك مبدع ورائع وتدخل كلماتك القلوب بدون استئذان تقبل مروري ودام مدادك الرائع

[شاكر الهلالي]

عقيل الشويلي

تسلم ايدك اخي العزيز

ابداعك جميل ورائع

تقبل احلى تحياتي ومروري بك 0

[عقيل كريم الشويلي]

ملك مملكة الاحزان اشكر لك مرورك هنا لك تحياتي

[عقيل كريم الشويلي]

الله عليك مبدع ورائع وتدخل كلماتك القلوب بدون استئذان تقبل مروري ودام مدادك الرائع

الرائع محمد الحميداوي يزداد ابدعي لأنك مررت هنا شكرآ لك اخي لك تحياتي