شوفو الطلاب الي ماعدهم سوابق

[ام علاوي]

قصه طالب يريد يصارح بنيه
طالبة وياه بالقسم شوف شصار وياااه

(طبعا هذا ردعلى موضوع اخويه المهندس)
(في انواع التكبيل في الكليه)

طالب وعايف دروسي

واقرا اشعار وجرايد

وعاشگ بنيه بقسمنه

والگلب بس الها رايد

هي حلوة .. هواية حلوة

واني عمي شلون واحد

بالفرن ناسيني اهلي

وحتى لون عيوني جارد

حاولت الفت نظرها

بكل وسيلة وماكو فايد

غيرت لبسي ومشيتي

وفكري بالمودات شارد

وجللت شعري وصبغته

ولبست حتى گلايد

گعدتني ع الحديدة

لا بعت حتى الحدايد

لا تگلي ولا اگلك

بهدلتني الله شاهد

وهي تدري بس خبيثة

مثولة والدلال بارد

وانه نار بنص دليلي

خاف اصارحها وتعاند

مرة اگول احجي معاها

ومرة اگولن خلني راچد

وين چانتلي يربي

چنت متونس وگاعد

وقررت لازم ابوح

بحبي الها وما احايد

بوري ما بوري اسولف

قابل مصارح مجاهد

جيت وتقربت يمها

جسمي يرجف حيلي بايد

والضغط يمي تخربط

مرة نازل مرة صاعد

گمت اتمتم گمت اعتعت

گمت احس بلساني جامد

چني سيارة عتيگه

وانكسر من عدها گايد

ردت افلت ما عاد ينفع

گالت اتفضل شرايد

گلت عفواً من رخصتچ

بلكي عندچ قلم زايد

(ختيه محتاج قلم نيااااااااااااااا)

منقوووووووووول
تحياتي

[mahmod_abas]

مشكور اختي العزيزه اوعلاي على كيفكم بين

[الفراتيه]

ههههههههههه روعه
يسلموووا
عاشت ايدج على القصيدة الرائعه
تحياتي

[حيدر القريشي]

هذا اكبر دليل على الحب الصادق من طرف الولد طبعا
(((وهو لو ما هو اكيد جان يمكن احتمال )))
لتكوليلي فسرلي هاي الجمله لان اني ما اعرف
ههههههههههههههههههههههههههههه
قصيده رائعه جدا
والاروع انها من ام علاوي الوردهتقبلي تحياتي
مع اطيب الامنيات

[ام علاوي]

نورتني اخويه محمود الطائي
شلون على كيفنا هي الحرب ليش انت متدري؟نياااااااااااااااا
تحياتي ياطيب

[ام علاوي]

الفراتيه منورتني حبيبتي
ويستاهلون التماسيح مو ؟ نيااااااااااااااااااااااا

لعد شعبالهم التماسيح قابل الحرب ويه السحالي هين ؟
النصر لنا ولن نقبل بغيره نيااااااااا نيااااااااااااا
قبلاتي ياورده

[ام علاوي]

حيدر القريشي.....

نورتني كالعاده وبالنسبه للجمله مالتك الي هي ( وهو لوما هو اكيد جان يمكن احتمال )
اني اقترحت نظيفها للسؤال مال اللجوء مال العراقيين نيااااااااااااااااااااااااا هنوب حتى العراقيين ميكدرون يفسرونها لهايه الجمله الخنفشاريه هههههههههههههه

تحياتي ياطيب

[الفراتيه]

اي طبعا يستاهلون والله .. هع
لا ابد موسهلة حتى بعد ميورطون نفسهم
تحياتي الك