محاوره
خم مالكه الدختور كلبي ابمجانه
كلولي وين الكاه متحير انه
ماتدري كلبك وين تنشدني انه
اصبح بدين الغير موش ابمجانه
كلبك ولنه الغير وتواردنه
شيدور الدختور وشيلكه منه
هذه محاوره بين الشاعر والزمن
الزمن - هاولك هم حبيت ماخفت مني
حسبالك انه انساك امكيف اتغني
الشاعر - يازمن جرح الفات جويته وطاب
شتريد انه اترجاك خلينه اصحاب
الزمن - اتريد الصحابه وياي امكيف ابهاي
انه الزمن غدار لا تمشي وياي
الشاعر- مره اغدرتني وجوز خليني مرتاح
توهن ربن ريشات بطراف الجناح
الزمن- لو كبرن الريشات اتخلني وطير
ويصعب علي يا صاح صيد العصافير
الشاعر- يازمن جاشتريد جدامك اني
جردت حتى الروح من الاماني
ارجو التعليق على هذه المحاورات