الحوار المؤلم
يـــــالغسّــــــلـــوك ابــــدمك راســـــك يـــــودّع جــسمك
واسمعـــنه شــــكوات الحال بـــــس حـــرم ظلت واطفال
يــــــــالغسّــــــلوك بـــــــدمك
* * *
اتصورت حالت موادع راس الحسين ويه جسمه
واحـــــد امعـــــــفّر بـــــــذاري وواحـد مغسّل بدمّه
وبـــدت شكوات الحنان الجسم يشكي لراسه همه
يــــا راس شفـت اللي جـره خــلوني مرمي اعلى الثره
مـــن چــفّي گطعوا خنصره وطـــــحت بين اشرار الامه
يا راس اعرض امري
متــــغسّل ابــــدم نحري
ومچــــــفّن بــــــذاري رمال بـــــس حــرم ظلّت واطفال
يـــــالغسّلــــوك بــــدمك
* * *
عـرض جسم حسين حاله وابتدى الراس بجوابه
آنـــــه خـــــدري ابثره المصرع تعفّر بذاري ترابه
للحجر يا جـــسم حــــــگك ما شفت لوعة صوابه
يـــــا جــــــــسم تنظر حالتي متخضّــــــب ابـــــدم هامتي
وبالحجــــر صـــابو جبهـتي وجـــهي من الدمه خضابه
لــــــو ما يــــــصوّب هامي
مــــــا تــــــــــــنسلب ايتامي
ولا چـــــــان شافت اهــوال بــــــــس حرم ظلّت واطفال
يـــــــالغسّـــــــلوك بــــــدمك
* * *
والجـــــسم حـضّر جوابه لاچن من الدمه اليجري
انت بس الحجر صابك وشاركتنـي ابگطع نحري
لاچن آنه اعلى الوطيه جالت الخيل اعلى صدري
يــا راس حالي اتــــــشاهده عالغــــــبره جثّـــــه موسّده
جــــــالت علَــــي خيل العده وفــــوّضت للبـــاري امري
يــــــا راس شــــــاهد حالي
متـــــوسّد اعـــــلى رمــالي
وبـــــالغرب خــــــلّيت عيـال بـــــــس حرم ظلّت واطفال
يـــالغــــــــسلوك بـــــــــدمك
* * *
يـــا جسم لا تـشكي حالك لـو تشاهد حالي اصعب
بالبواتر طبّــــروني وشيـــــبـي مـــن دمّي تخضّب
وانشدك هم شفت راس اعلى الرمح مثلي تنصّب
يـــا جســــم فــــاجد ناظـري ريـــــــتك تــــشاهد منظري
مـــرفوع فــوگ السمهـري وتـــاجي مـن عندي تسلّب
يــــــا جســـــم مـا رحموني
فــــــوگ الـــــرمح شالوني
وشــــاهدت مـــن عالعسّـال بـــــس حــرم ظلّت واطفال
يـــــالغسّــــــلــوك بـــــدمــك
* * *
لا يـراس حسيــــــن چـنّك ما شفت سهم البچبدي
بســـــهم المــــثلّث رمـــوني والجرح لسّاعه يدّي
ومــــن الم سهم المثـــــلث بـعد ما ظل حيل عندي
بــــالسهم صـــابوا چـــبدتـي والــــگوم سلبوا چــــثـــتي
لليـــــسر تـــــمشي بـــعيلتي وراح اظل عالغبره وحدي
بــدم النــــــــحر غــــسلوني
بــــــــذاري الــترب چفنوني
والگــــــوم گطعوني وصال بـــــس حـــرم ظلّت واطفال
يــــــــالغـــــــسّلوك بــــــدمك
* * *
الـراس جاوب لا يجسمي حالي منك أشد واخطر
انـــــته ما عـــــــندك مسامع تستمع صرخة الخدّر
ومــــــا شــــفت نـــار المخيّم آنه شفت النار تسعر
آنــــه اسمعت صوت الحرم وشــــاهدت نــــــيران الخيم
والاشــــد واصــــعب كل الم مــــن شفت غارت العسكر
شـــــاهدت حــــرگ خيامي
واســـــــمعت صوت ايتامي
وتعلــــــم الســــــجّاد شگال بـــــس حـــرم ظلّت واطفال
يــــالغسّلـــــــوك بــــــدمــــك
* * *
هــــنا يراس حسيــــــن يلّي عندك عيون وتشاهد
لليســـــر امّنــــــت عـــــندك عيــلتي وتگدر تعاهد
تـــــرد يــــــوم الاربعيـــــــن وما تنقِّص منها واحد
بــــالحرم يــــا راس اطلعت عـــــندك اطــــــفالي ودّعت
فــــوگ الـــرمح انته ركعت وآنــــه فــوگ الغبره ساجد
يلـــــــلي اطـــلعت باطــفالي
ســـــــــــالم تـــــرد بــــعيالي
والظــــعن لو عنــــــي شال بــــس حــــرم ظلّت واطفال
يـــــــالغسّـــــلوك بــــــــدمك
* * *
يــــا جســـم لا تشكي أمرك من تظل وحدك رميّه
اتـــــحمــــلت آلام لاچــــــن بس مرامي الغاضريه
آنـــــه راح اكـــــفل عيـالي اللي مشت عنك سبيّه
بــــالحرم راح امشـي بيسر واتحــــــمّل آلام وصـــــبـــر
والاشــــــد مــــن هـذا الأمر لـــــو شـــــفت گوم آل اميه
متـــــــشمّــــــته بــــــــحالتنه
ومستـــــــــبـــشره بــطلعتنه
ونـــــــحمل سيـــــاط الجمّال بــــس حــــرم ظلّت واطفال
يــــالغــــــسّلوك بـــــــــــدمك
* * *
هـــــاذي حالت أبو اليّـــــمه گـــبالنه موقف تجسّم
عـرض راس حسين حاله وحالت الجسم المخذّم
نريــــد نــنشد عالمصايب يا مصيبه الاشد واعظم
حـــــال التـــــغسّــــل بـالنحر
لـــــو حال النصــــاب بحجر
يــا هو الاشد واصعب وامر
جـــــــاوبوا يا حال اصعــــــب حــال التوسّد رماله
لــــــو الراح ويـــــــه اليـــــتامه باليسر كافل عياله
عـــــالجسم هالمحنه فضّت بالطفوف إشما جراله
اشــحال اليروح ويه الحرم
للكـــــوفه والــــــــشام بــالم
يــــــظلّل يـــعوّض عــالخيم
عــالرمح مرفوع راد يعــوّض الرايه اللي طاحت