قصيدة للشاعر عريان السيد خلف (بلاية وداع)

[القناص ستار]

مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشرة وينباع
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
صبر الكاع للكيض .... وخلك شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشرة وينباع
شلون الماي......
يكدر ينكر اجروفة
شلون العين تكدر .....شوفها تعوفة
وابو جفوف الحنينة....
اتبيعنا جفوفة ......
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشرة وينباع مع خالص ودي واحترامي

[حيدر القريشي]

قصيده رائعه للشاعر الكبير
عريان السيد خلف
شكرا لك اخي ستار على الاختيار الرائع
وتقبل تحياتي

[ام فيصل]

قصيدة جميلة للشاعر الكبير عريان السيد خلف
وقد غناها الفنان حسين نعمة بعذوبة صوته
كلمات دافئة ووصف جميل
شكرا لك عزيزي لما انتقيت
ودام لنا عطاؤك
تحياتي للقناص
وننتظر المزيد

[رنا العراقية]

مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشرة وينباع




الله على الكاتب والناقل على اختيارة



يا رخص العشك من ينشرة وينباع




شكرا الك والله كلام يوجع الكلب

[القناص ستار]

اشكر مروركم الرائع يامن تعطون للكلمة حقها وتدفعوننا للعمل اكثر تقبلو تحياتي

[بلسم الروح]

يارخص العشك من ينشرة وينباع

كلمات غاية بالروعة والابداع يسلم ذوقك واختيارك

صدك قناص عاشت ايدك

[القناص ستار]

يسلملي المرور الجميل وربي لا يحرمنا من هذه الاطلالة البهية

[الحب الضائع]

قصيده جميله وكلمات رائعه

لك مني خالص التحيه والتقدير

مع تحياتي