تحن سنيني .. لسنينك

[الامير العراقي]

تحن سنيني .. لسنينك ..
سعد... يربه على حد الموت .. لهفه ... لمايك وطينك
اوادد كل سحابة تفوت وأشتاك .. لشمس عينك
عمر .. والكَه العمر مذبوح .. بين أنياب حديّنك
لاهيِّج كل جرح مامون.. والچم .. كل مچامينك
والوجن .. لوجتك ودي.. واسكّن .. حال تسكينك
واحدِّر للتوالي البيك .. وأتخطّه .. لثلاثينك
وكَلك يلخذاك الطيش متباهي .. بنياسينك
يشايلني اعله چف الموت .. ودموعك .. ترس عينك
كَضت .. وبجثة المچتول [ يا مرخص سچاچينك ]
يَـ زين .. الضيعت زينك ..
تذل .. ومن الثريه اطيح واحنه ارموشنه اتشيلك.
حلم .. وكره الجفن والعين .. من عزك تلوليلك
ولو .. ماعادتي اشچيلك
انه الناي .. البچه .. اعله اجفاك .. والغنَّه بمواويلك
انه الطيف الحدا ... ابطرواك .. والجلمة النست بالك
انه الحاله .. اعلى حاله يصيح .. يالمصّيوب .. هنيالك
تشم .. طيب السنين الضاع .. بين أچفوف ... چتالك

(( منقـــــــــــــول ))
ارجو الإطلاع على هذا الرابط للأهمية وهذه المرة الثانية عزيزي
http://www.alforat.org/showthread.php?t=22548

[سلام الدراجي]

صح السانك اخي الامير العراقي
تعبير جميل واحساس رائع
يسلم يراعك ياشاعر
تقبل مرور اخيك الدراجي

[رنا العراقية]

ولك يلي عفت هالحال بالهم والعتب والنوح

اضل بين الكلت والكال ترضة غيرتك وتروح





مشكور وتعبير جميل ورائع

[الامير العراقي]

مشكورين حبايبي سلام ورنا على المرور الجميل
منورين الموضوع بتواجدكم
تحياتي وتقديري الكم يا طيبين

[محتاره]

صح السانك يا وردة

كلمات رائعه من انسان ارووووع

لا تحرمنا جديدك

بأنتظار المزيد

مودتىى

[الامير العراقي]

مشكوره محتاره الورده
منوره الموضوع
تحياتي للطيبين

[ام فيصل]

تحياتي للأمير
كلمات رائعة واحساس جميل
شكرا لك ولإختيارك المميز
ودام لنا ابداعك عزيزي

[الشاعركريم السلطاني]

حيك يالامير على نقل هذة القصيدة ذات الطابع الخاص والتي تعد من صميم التراث الشعبي العراقي الخالد
بارك اللة فيك لاختيارك هذا ودامك اللة اخا لي
اخوك السلطاني