مشكلتي ويه الوطن
ياموطني شبيك انته صاير ما تحن
ياموطني موباكوا السنبل العندي والدخن
جايمته يمعود تحن
ياموطني وطحين حصتهم بعد ماينعجن
يا موطني والله نسحن كلبي سحن
جايمته يمعود تحن
كتلك وطن ليمته نبقى بلا وطن
اياوطن اطفالك الايتام مانامت تون
جايمته يمعودتحن
وكتلك وطن ذني بناتك فرعن
يا وطن كتلك بناتك من دربهن تيهن
جايمته يمعودتحن
ونكطع حبل المستحه وضاع الرسن
شنهي القساوه البيك شوصاير سجن
جايمته يمعود تحن
لونكلب اسمك ينقري صح انه اضن
عراق=قراع=قتال
ولوأسمك اتهجاه بحروفه جثيرات المحن
العين عركه ويالوكت حد الجفن
والراء رمياً بالرصاص بلا امن
والالف أكتل وأنكتل كلمن جبن
والقاف قاتل ثم قاتل لاتجن
عندي وطن بالضيم يكبر والمحن
وعندي وطن قاسي عليه ومايحن
جايمته يمعودتحن
وعذرناً حبيبي وانه اسف ياوطن
وحروفك اسمك اجمل حروف انه اظن
العين علم ومعرفه لكل الملل
والراء رائع كلك ومالك مثل
والالف بس انت العضيم بلاخجل
والقاف قوه بلا منازع لا كلل
وعندي وطن كلبه جبير وماحمل
وعندي وطن متلمه كلمات وجمل
وعندي وطن مايوم خاف ولاجفل
وعندي وطن يسوى حياتي والاهل
وعندي وطن سوده عليه بيه علل
دنهض دفك تابوت كبرك والجفن
ياموطني امسح كصصنه منل حزن
هاوطني سمعهم اصوات المدافع منتدن
ياوطني ورجع لبونؤاس اوتار الحن
وطرد العايل موطني ورجع الامن
ورجع لبو نؤاس عوده والحن
بقلم الشيخ
ابوحيدر
6|8|2010