المشاركة الأصلية كتبت بواسطة محمد عبود العبودي
اهدي هذه القصيده التي اقتبستها من دموع مهجر
عانا الامرين في بلده ومن اهله واحبابه
الى هذا المهجر
الكابوس
علي جارت بلادي وشحوا الخلان
وبكيظ اليمر حسيت بالجله
وثكل وجه الاوده بلا سبب معروف
وعلي سيف النخيته البارحه يسله
اخوي وامنيت البيت بيده سنين
باع البيت وانه امدد بظله
سلب مني هويتي وعافني بلا بيت
ولساني بوكتهه احتار شيكله
كل ساعه بوجه يطلعلي مدري شلون
وياجرح المذله شلون شيشله
انا الكلي جبل والراس فوك الغيم
ويايابه الجبل من ينهدم كله
انا الدربي الشهامه وغايتي المعروف
جار الجار انه وحايطه وظله
انا البيتي مضيف ودارع البيبان
وجانون الشته البردان يوصله
انا ابن المارمت همهه بوجه خطار
ولا عبس وجهه وبينت خله
لحم فاطس اكلني اللي ربيت وياه
وعلى جتافي النحيله يريد يتعلى
لاجن عشره مرت لا عمر عشناه
ولا شاره بملح للكاصد الزله
مشيت وكلي دمعه اعلى التركته بجور
عفت بيت اوطن واحلام بالكله
عفت ضحكة امس واحزان ذاك اليوم
وبيادر ذكرياتي دموعهه تهله
عفت روحي بأسر خوان وزهه ابليس
ومشيت ولا اعرف عنوان وأندله
مشيت وعثرتي اتدليني عالعثرات
وياذله العفتهه اتجيبني لذله
علي اهلي الاودهم خضر الهم ناب
واصحابي الجثيره اتبينت قله
والمله الجنت ادريهه ملة طيب
ياكون انكلب ونكلبت المله
خدك انه ياخد التصطره اليوم
غم رايك اذا بدماك تتسلى
عليه اتطك مراجل وانت الك يمناي
تجوه من التعب ودواك بالعله
وكت الطف رجع حركوا خيام حسين
مو كلنه انتهت وكت الظلم وله
كل ساعه وتجيني بثوب للحجاج
متكلي كبل حجاجك شخله
كظينه العمر للماضي نطوي جروح
ينزف بعده جرحي ضماده لتفله
مو بيتي احترك حسبالك احمل غيظ
بس فعل الردي المفروض تخجله
اذا تكطع عنبتي بسيفك البتار
تذكرني بوكت من تفرغ السله
كبلك ماطلت مادامت لفرعون
لتغرك اذا شعر الغوى تحله
باجر تنكلب ناعم تدك وياي
والا تشم رمادي امحترك الا
انحرفت قبلتك من صار ذاك اليوم
وابليس اعتنه لمحاربك وصلى
بقلمي
محمد عبود العبودي