مليت البعد عنك ياعراق

[angle]

لا تستغربو لو فنيت له عمري ومالي

قتلتني الغربة وذبحني الفراق
اتذكر بيتنا واتذكر ذاك الزقاق
اللي كنت الهو واللعب فيه ويه الرفاق
مليت تره البعاد صعب وللقلب حراق

#مليت البعد عنك ياعراق#

مشتاق للعراقيين ولسوالفهم الجميلة
ولطبعهم العنودي وشهامتهم الجليلة
مشتاق لحضن هلي وناسي ومشاعرهم الرقيقة
ودفيء حضنج يا بغداد واخلاقج النبيلة

# مليت البعد عنك يا عراق #

حنيت لنهر دجلة وميه الصافي
وانوار شارع ابو نؤاس وهواه الدافي
حنيت لنهر الفرات وسمكه الوافي
وتمنيت اشرب ميه وامشي على ضفافه حافي

# مليت البعد عنك يا عراق#

ولهان على البصرة وأم القرى
والفاو اللي قاومت ودوخت العِدى
ولهان على الانبار وأم الربيعين نينوى
اللي تمنيت اسير فيها وانشد احلى الغنى

# مليت البعد عنك يا عراق#

تعبان وربي يشهد على حالي
لا تخافوا يوم لو شفتوني والدمع على سهادي
ولاتستغربوا لو فنيت له عمري ومالي
هذا العراق حبيبي وارخص له كل غالي

# مليت البعد عنك يا عراق #
__________________

[همس الغروب]

يارب ترجعين بالسلامة للعراق اختي
مشكوره على الموضوع
تحياتي لك

[angle]

مشكورة اختي على مرورك الطيب تحياتي لك

ولهان على البصرة وأم القرى
والفاو اللي قاومت ودوخت العِدى


الله كريم خيتي
ان شاء الله نرجع
راح اموت من الغربه

[angle]

مشتاق للعراقيين ولسوالفهم الجميلة
ولطبعهم العنودي وشهامتهم الجليلة
مشتاق لحضن هلي وناسي ومشاعرهم الرقيقة
ودفيء حضنج يا بغداد واخلاقج النبيلة

مشكورة اختي على مرورك وان شاء الله راجعين كلنا لوطناتحياتي لك