اشفافك عسل.....غزل...
عندي كَلب لجلك يضخ..
حب وحنان وعاطفة..
لو بيدي اوكَف دكَتة..
حبك دمار وعاصفة..
حبك بحر..مايك جمر..
كلمن كَرب جرفه اختفة..
حبك لغز ما ينحزر..
دوخت أهل المعرفة..
انته دعاء الوالدة..
ولكل جرح انته الشفة..
اشفافك عسل..شنهي العسل؟؟
خجلانة منك هالصفة..
انته حلو كلك حلو..
حور الجنان اتوكَفة..
اتمنة ما اكَعد بعد..
بعيوني طيفك لو غفة..
يا أجمل أحلام العمر..
كَلبي رهيف وتعرفه..
خفف عليّ كاس الهجر..
اتمنة كاسك أرشفة..
كَلبي رجيج ومنكسر..
أرجوك حملك خففه..
مو عودي اخضر ياترف..
لا تحركَه بنار الجفة..
بين ألخلَك أمري أنفضح..
ودموعي صارن سالفة..
مجنونك أنيّ واعترف..
اتمنة دمعي اتنشفة..
*************
مع تحياتي
الشاعـــــــــــر
جلال البطاط
غير مبروء ذمة من يقوم بالنقل دون ذكر الاسم
رد مع اقتباس
رد: اشفافك عسل.....غزل...
المشاركة الأصلية كتبت بواسطة اسيرة دمعتي
