دارم ــيات

[محتاره]

موخوه لا غلطان لا مو صداقه
استاذ وي تلميذ طبع العلاقه !

خابرتك انه اهواي ما خابرتني
بس لا صدگ زعلان ما جاوبتني ؟

تشتاگ الى ساعات بس اني والله
اشتاگ الك كل يوم گد رحمة الله !

كل ما احن واشتاگ تعرف قراري
بس صورتك يا زين تطفيلي ناري ؟

نعسان بس مو نوم وبشوفك اصحه
تگدر تكمل البيت تگدر توضحه؟!

اتمنه هذا الكون بس انه وانته
تدري شسوي بيك خليهه سكته!

تدري شكثر مشتاگ ماصدگتني
گد ما عدد دگات گلبك تحبني

غيرك تظن محبوب سكنته روحي
لو دورت بالروح تلگه انته روحي

مشتاق الك مشتاق موت اشتياقي
وشما كتب ضرغام تبقه انته راقي

ماچذب الي گال عندي ابدالك
صح انه احب اثنين انته وخيالك

الشاعر چذب ما مات عايش بالگلوب
مثل الضوه ياناس عاشگته الدروب

تكتب يريت الناس واتمنه تقره
واحلم يمرنه العيد ماعدنه فقره

وجهة نظر للعين واتگول موعيد
وتعيد بملگاك وبشوفك اتريد !

الشاعر ضرغام العراقي

[سلام الدراجي]

اتمنه هذا الكون بس انه وانته
تدري شسوي بيك خليهه سكته!

دارميات رائعه عاشت ايدچ صح والله خليه سكته ؟؟ يسلم الشاعر العراقي

[محتاره]

مشكووور على مرورك الدائم

نورت الموضوع وصاحبته

مودتىىى

[حيدر القريشي]

دارميات في غايه الروعه
سلمت الانامل على الانتقاء المميز
وعلى الذوق الرفيع
مع ارق التحايا
واطيب الامنيات

[ام فيصل]

محتارة
احسنتي الإختيار غاليتي
باقة رائعة من الدارميات
صح لسانج ولاحرمنا هذا القلم النابض
دمتي بخير

[نسيت انساك]

تكتب يريت الناس واتمنة تقرة
واحلم يمرنة العيد ماعدنة فقرة

دارميات اكثر من روعة تسلم الايادي
وننتضر المزيد تقبلي مروري

دارميات في غايه الروعه
سلمت الانامل على الانتقاء المميز
وعلى الذوق الرفيع
مع ارق التحايا
واطيب الامنيات

[امير الاحزان:]

تسلملي هل الطلة اختي العزيزة محتارة
دارميات غاية في الروعة والابداع
ربي يسعد ايامك