استراحة الشعر والشعراء وكل احباب الشعر الشعبي ترحب بكم احبتي

[طيبة النجف]

احبتي غوالي الفرات طبعا الفكرة منقولة
بس حبيت نغير شوية من الروتين
وهذه الاستراحة لنجعلها متنفس لكل الشعر الشعبي
وبكل انواعة
دارمي
ابوذية
ومضة
قصيدة
أحبتي رواد هذا القسم الجميل,,,اهلا وسهلا بكم جميعا

لكل من يريد ان يشاركنا بمداد قلمه
الحب وطيب الكلام
يترك لنا هنا بذرة تنمو لتكون شجرة تجذب الاحساس
وتسرق الانظار
اشعاركم وكلماتكم وهمساتكم وارهاصاتكم
محل تشريف وتقييم
فاهلا بكم جميعا في استراحتنا
محبتي لكم

[طيبة النجف]

اضل قمة وفه وهذا اسمي حد الموت
وابـد طبع الـدني ماصاحبيتة
عزيزة نفس ماطخيت ابـد هام
ولامحسـوف كل دمع البجيتة

[طيبة النجف]

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

[طيبة النجف]

زرعنه وماحوينه ابتعب فلاح

ومن كل العنب حصلنه عنكود

بالك ياكلب لاتفتح الباب

اجتك ريح لازم تبقه مسدود

[طيبة النجف]

أتمـنى تفـهم يـوم نـجمـة أنـي حـالي....
غـيري على وجـة الكـاع بس اني عـالي

[طيبة النجف]

گلب سمجه انه گلبي ووكتي بركان
وشيصبرها روحي اتعيش باچر
تمنيت انه اشوفك گبل ماموت
وماريدك تجيني وماني حاضر

[طيبة النجف]

مسجون الصدﮒ ياناس تدرون
وخذوا كل الچذب طلقوا سراحه
كل تعبــــــــــــان گالوا يبقه تعبان
والمـــــــــــــــرتاح يحتاج استراحة

[طيبة النجف]

من يوم صرت ودرت
بيه الحزن منحوت
محروم من الفرح
وحتى من اون بسكوت
بغابة كضيت العمر
ومذبوح بيه الصوت