تحيتي لاحبتي الكرام عشاق هذا النوع
من الشعر الشعبي
بعنوان بلا غـــــــــــــــــــــــــرور
انتبه دنياك دواره000بغدره اليرضع اشيبه
الابيض تكلبه اسود000ترد السعدته اتعذبه
غدره مثل رمشة عين000العزيز بثانيه اذبه
تعوفه اتدير عنه العين000كل اللابسه اسلبه
تبدل جنته نارين000تكص سباحه من جعبه
تخلي الناس تشمت بيه000تصيح الصار من ذنبه
بلا ماتعرفه اذمه000عقوبه هاي من ربه
اذا تعتذر ميسمعوك000تخسر حتى التحبه
طبعه اتغدر بالطيبين000اتسوي ايامهم صعبه
نوم الليل تحرمهم000دمعهم من دم اتصبه
تكتبهم اللي تقراه000جبر يقرون التكتبه
تراويهم الموت اشكال000قدرهم بيده لعبه
عده اليشتكي ملعون000تدوس اليحجي واسبه
تكره يوم ميلاده000عمره بيده اترتبه
بديه ازوده وتنكصه000عزيز بخيره يربه
من تجفي تكطع احبال000جبل لو حظك اتكلبه
ومن تجبل الك تنقاد000بشعره العالم اسحبه
انصحك لاتغرك يوم000بأكل لو ماي التشربه
ابمال او ولد لاتفخر000صحتك بالصدك تربه
لو دامت لغيرك جان000دامت للبنا الكعبه
ابيت الله واجاه الموت000مات وراح وي ذنبه
الظالم يلكه ذنبه هناك000حسابه ايصير عد ربه
حسابه هناك يم ربه
مع تحياتي