صندوگ الثلج
الى الاخت يمامة الدار مع الود
يصندوگ الثلج ما خفت حر الصيف يمر الصيف بيك وانته تتراجف
يالگضيت عمري أنطرك بلچن زود وما حصلت منك غير السوالف
أذبلت زهرة شبابي وروحي جسها الظيم وأحير بياجرح من كل كتر نازف
شگد مرت قطارات أعلى درب الشوگ أشو بس ريلك أنته مچتّف وخايف
وعزّلت المحطه وگاعد متانيك بلچي أتمر عليه وبالدرب واگف
الك ضنه تجي لو اصيح منك ياس وأگول انتهت قصتي وأحسب الطايف
يبو گلب الثلج ما جست گلبك نار عاد أمن الدليل الچنت اله حايف
وميخالف گلت أصبر وأشوف شلون وملّت من وعودك سنه الميخالف
وآنه سنين صابر وأحسب اللوعات وأحسب بالخساير ياكتر تالف
تعال أفرش شليلك نحچي عالمكشوف چا شنهو أعرفت من گلت نتوالف
يعمي الناس لعبه وصارت أعلى الكيف ماضنيت تذبحني بضرس هارف
موش أنته احلفت ما تصمخ بلياي الله وياك احطه وياهو بيه حالف
بس آنه شسوي الگلبي مگدر ليه ملطلط ضل عليك وچنه ما شايف
عباس الفرطوسي