وكع عباس

[هاشم نجم]

وكع عباس وكفه من انبر بالسيف
وعزرائيل يمه ولا قبض روحه
كتله من الكرامه اشكثر بيه اجروح
ظل تنزف كرامه وتضحك اجروحه
اشلون الزم دمعتي من اذكر العباس
اذا طفله دمعتي وعينه مجروحه
در ثدي القوافي بحضرة العباس
لازم كل حرف يترجم اطروحه
ترجم وفاءه لزينب الحوراء
لهسه اجفوفه على الشريعه مطروحه
بينه وبين زينب ارتباط نشوف
من تنجرح زينب جنها مذبوحه
ومن غمضت عينه الدنيا صارت عين
صارت عين كلها وبقت مفتوحه
ومن ذبحوا جربنه النور غط النور
مو جربه الشمس ياناس مذبوحه
وكلت لوحه بالسمه لرسم العباس
طلع عباس اكبر وازغر اللوحه
اليجي خيال منك ما خلص عباس
اليجي يمشي يمك زندك اتلوحه
الطف ايصير ماصخ لو شلت عباس
لكن من نذكره ترد الملوحه




تحيات

هاشم نجم

[مصطفى المالكي]

هاشم نجم

احسنت طيب الله انفاسك
بنتظار جديدك

تحياتي

العراقي

[محمد السوداني]

الله قصيدة رائعه صح السانك
لك مني كل الاحترام والتقدير
دمت بحفظ الرحمن اخي العزيز
ننتظر منك المزيد

[ام فيصل]

السلام على قمر العشيرة

السلام على ساقي عطاشى كربلاء

السلام عليك يامولاي

رائعة قصيدتك ياهاشم وسلمت يداك

اجدت بكل حرف منها

جزاك الله كل الخير

[سلام الدراجي]

والله ياهاشم قصيده اكثر من رائعه بارك الله بك اخي العزيز وطيب انفاسك

[حيدر القريشي]

السلام عليك يا سيدي يا ابا الفضل العباس
السلام عليك يا قطيع الكفين
السلام على المرضوخ الجبين

شكرا لكي اخي العزيز على القصيده الرائعه
وتقبل مني خالص الود والتقدير
ودمت بحفظ الباري