امـــــوت من اليحبك.

[شوك الشفايف]

مدري شلون وتفض حالتي وياك..
قسمه انت وعلي ربك كتبها
كبل لاعب كليبي هواي وي ناس..
بس لعبة غرامك مالعبها
تجذب عيني سهله اكبال العيون..
بس وياك احس يصعب جذبها
وبس وياك كلبي حسابه غلطان..
حسب كلشي وسكـتك ماحسبها
عجيبه اطباع روحي وياك محتار..
اعاتب والكه روحي تضد عتبها
اموت من اليحبك واشتعل نار..
عكس ناس التكرهك حيل احبها
أشوه صورتك يم اليحبوك..
والشينات كلهه اعليك اذبها
أنه من روحي اغارن بعض مرات..
احبك بس اكرهك جي تحبها
آنـه الشمس جي تشابه وياك..
اصفن سوه ويه العميان اسبها
مفكر من كبل بالروح اخليك..
بس شلون ابعدك من لهبها
احسن بس اعوفك ثانيه تروح..
واظل النال فوك النار اشبها.




عدي فريد
مع

الحب.

مبدع كما عهدناك
ياشاعرنا المتألق
عدي فريد
عاشت الايادي
وننتظر المزيد من عطاءك الجميل
تقبل تحياتي وتقديري

[كبريــاء رجـل]

اااااالله ااااااالله ااااااااالله
يامبدع ياراقي يعطيك العافية
على هذه القصيدة الاكثر من رائعه
ننتظر جديدك بفارغ الصبر ياغالي
تحياتي الكـ

هلا وكل الهلا ياشوك يبو كلمة العذبة وكلها ترافة وطيب

كلمات في غاية الروعة تحياتي لك مع كل الحب

[عاشق النجوم55]

كلمات بغايه الروعة تسلم الانامل ياوردة



اقبلني صديق اتشرف

الحيرة هي في ان اجد كلمات تليق بهكذا حس شعري مميز دائما رائع شعرك يعجبني جله

[ابو عقيل]

تسلم يا حبيبي عدي
مو بيدك شاعر والصور الجميلة
ما يرسمها الا جميل الاحاسيس والمشاعر
(بس لعبة غرامك ما لعبه )
تلعب ياعدي

الله عليك الله عليك ياراقي ياعدي فريد الكبير قصيده تجنن وربي كلش حلوه


اموت من اليحبك واشتعل نار..
عكس ناس التكرهك حيل احبها
أشوه صورتك يم اليحبوك..
والشينات كلهه اعليك اذبها

حلوووووووو يجنن