سؤال للحبيبه بعد فراق
هاعمري اشلونج كليلي بعده ايحن كلبج لاسنيني
لو وي غيري ارتاح ونشنش وناسيه الماضي وناسيني
كليلي اشلونج وي غيري لوزينه انت افرح صدكيني
لن كلبي الحبج مايشمت موانت وربي اتهميني
ولو يسمع عنج مرتاحه بااخبارج والله تفرحيني
ولو يسمع عنج حزنانه اطك دم جروحه وياذيني
لن بس انت الحبج كلبي حب صادق والله وتدريني
وماازعل من عندج لحظه وارظه بلا منتي اترظيني
مو حبيتج من كل كلبي ولاجلك ضاعت حتى اسنيني
ضيعت اسنيني ومااندم على الضيعته انت تعرفيني
بس خايف انه على اسنينج وي غيري تضيع وتنسيني
صالح قاسم
رد مع اقتباس
مشاركة: سؤال للحبيبه بعد فراق
