خابرتها وخابرتني

[سومه]

خابرتها وخابرتني وموعد وياها طلبت

ردت منها يكون باجر كالت اصبر للسبت

يوم يوم اصبر واعدهن ومن الحساب تعبت

وحان موعدنا وبسرعه اتشيكت واتعطرت

والدرب اصبح طويل واحس اني اتاخرت

من وصلت الموعد اني هناك كلشي ماشفت

انتظر واحرق بروحي واحس نفسي اتقشمرت

وعلى اقرب هاتف آني بكل غضب اركض رحت

وهيا من الدكه الاولى علي رأسن جاوبت

هيه كالت الو وانا صحت بيها وشتّمت

كلت هيج وهيج انتي وانتي اتعس ماشفت


ومن هديت شويه كالت ها يمحبوبي اشردت؟

كلت عالموعد اجيتك تالي فشلان ارجعت

اضحكت ضحكه طويله وكالت انت تيّهت

ياحبيبي اليوم جمعه واحنا موعدنا السبت


للشاعر عادل محسن
<!-- / message --><!-- sig -->

[بصراوي مشاغب]

كلمات رائعة وجميلة من انسانة رائعة

الف شكر سومه على هذه المشاركة الرائعة

اتمنى لك التوفيق

شكرأ على هذا الشعر الجميل الراقي

كلمات رائعه سومه ربنا يوفقك ودايما للأمام

[عراقي أصيل]

الله يساعدة للولد اذا صطرتة صطر
ودوختة خلتة ما يشوف دربة أو
ينطبق عليه المثل الي يكَول
الشهر الما ألك بيه خبزة
لا أتعدة ولا أتعد أيامة

مشكوووووووورة أختي سومة
مع مزيد من الأبداع والتقدم

[سومه]

هههههههههههههههه ملك الله يساعده
اشكركم على المرور