محطات

يمتى تسافر ياكمر وأوصّيك ؟
والوادم الترضى النشد تدليّك ؟

كالولي نيتك صافية
وأولايتك متصافية
كبلك ردت لي أمسافر اليندّل هلي ..
وكبلك ردت لي أمسافر لديرة هلي ..
أشكد دورّت . . ماحصّلت ..
وصار العمر محطات
عّديتهن مامش عرف
وكل العمر محطات ..
وخفت أسأل بلايه عرف !
ويافشلة الملهوف ويدوّر هله أبمحطات !!
** **

وصفوك ألي النواطير ..
كالولي نيتك صافية .. مثل العشك والأزهار
وصفوك ألي النواطير ..
كالولي روحك غافية ..بين الوفا والأسرار
وكالولي .. كالولي ..
كالولي كل الليل يلتم مايطفيّك
كالولي كلكّ حيل والهّم مايمضّ بيك
وعيونك اللّي تحرس الكاع
تشبه أعيون الناس والحب والعصافير
تالي العمر محطات ؟!
عديتهن مامش عرف ..
وصار العمر محطات
وخفت أسأل أبلاية عرف !
يافشلة الملهوف ويدوّر هله أبمحطات ..
ياعيني ياديرة هلي .. ياروحي ياجنة هلي

الشاعر زهير الدجيلي

[شاب حزين]

شعر حلو اخوي .....عاشت الايادي...تحياتي وتقديري

شكرا لمرورك اخي العزيز

تحياتي الك