قصيدة على الام

[ملكة الاحساس]

((السراط المستقيم))
أحس مرات ارجع بأول صبـــــــاي
وترد بيه الطفوله بلحضه صفــــــنه
ويرد بيه الزمن ويرجع سنيــــــــن
واشوف آنه واخوتي شلون صرنه
طفولتنه براءة ونحسب حســــــاب
نحقق بالكبر غاية املـــــــــــــــنه
وكبرنه وما نگول اشصار ما صار
ولكن بالحصيلة احنه كبرنـــــــــــه
تدري اشوكت احسن هيچ إحساس
إذا صديت عيني الشيبت امــــــــنه
اباوع عالوجه اتخايله الكــــــــــون
بدر صافي وتبين بي صورنـــــــه
وحضنهه المايخلي العبره بالريـــجْ
ينضح عاطفة وطيبه ومحــــــــــنه
آني ابحضن امي والهه اشتــــــاگ
احبها ابكثر ما هيه تحبنــــــــــــــه
هاي الماغفت بشفافـــــــــــهه الآه
ولاغمض جفنهه بيوم صـــــــــحنه
تبسمل عالجرح من وحّده يطــــــيب
بديهه العافيه وما تبقه ونـــــــــــــــّه
شمل وتلمنه يمهه اصغار وكبــــــار
وتخل زاد القليل يسدنه كلــــــــــــنه
واذا مو نفس امي يصير بالـــــــزاد
يظل طول العمر ماصخ اكلـــــــــنه
إذا گلت الشمس چن گايل امـــــــنه
وإذا گلت الوفه چن گايل امنــــــــه
امي وينقرض من دونهه الكــــــون
وسلالة هالبشر ما توصلـــــــــــــنه
امي الالف ليلة وكان ماكــــــــــــان
وامي البسمله وأية صبرنـــــــــــــه
سفينة نوح امي تخلص النــــــــــاس
وسراط المستقيم البي عبرنــــــــــــه
معروفه العجايب سبعه بالكـــــــــون
وامي السبعه كلهن يمهه معنـــــــــه
شريد اوصف بعد سبحانـــــــك الله
تحت اقدام امي يخــــــلي جـــــــــنه
منقول
اتمنى تعجبكم

[محمد السوداني]

الله احييك واحيي ذوقك الراقي في الانتقاء روعه
تقبلي تحياتي اخت ملكة المشاعر والاحاسيس الدافئه
لكي ودي واحترامي

[ملكة الاحساس]

شكرا على المرور اخي يسعدني تواجدك
نورت الصفحة

[ام فيصل]

امي يانبع المحبة ياامي

امي يادار الأمان ياامي

ياوطن للحب في كل العصور

ياربيع العمر ياأحلى شعور

انتي سدرة واحنه بأحضانج طيور

كل الشكر لك عزيزتي ملكة الإحساس على هذا النقل

اختياراتك رائعة

تحياتي لك

[الشاعر ماجد الدعمي]

الف تحيه لك ايتها الملكه كما عهدناك اختياراتك مميزه تقبلي المرور

والله يااختي
شوقتنين لامي وهيه هسه نايمه

تسلمين خيتي
والله كلمات روووووووووووووووووووووووووووووووعه
اتمنالج كل الخير دنيا واخره
تحياتي

[ملكة الاحساس]

شكرا اختي العراقية على المرور
نورتي الموضوع

[زمن الرحيل]

شكرآ لك على هذا الاختيار الرائع والذي ينم عن ذوق رفيع.
حفظ الله الامهات جميعآ وادخلنا الجنة من تحت تراب اقدامهن
مع وافر التقدير