اوهامك
تحلم انه اجي وبالطيف اطخلك راس
واجـــــــــــــــــــــــرح كبريائي بساحة احلامك
كتلك مااحب وبكيفـــــــــي احب ظليت
واكره كل احبك بيــــــــــــــــــــــــــــــه لايامك
وابجي ولو بجيت عيون موش ادموع
واثار الندم شايلهـــــــــــــــــــــــــن ابهامـــك
افلامك رعب مابيهه مشهــــــــد شوك
وعلى شاشة خيالــــــــــــــي احتركت افلامك
اوهامك ورق وانه من اعوفــــــك نار
على راسي غلـــــــــــــــــــط لاترسم اوهامك
اعلامك خدع لتظن اصدك بيـــــــــــك
وتغش شاعريتي بهالــــــــــــــــــــة اعلامك
موكتلك هبل بس جسد مابيــه روح
كوه تريد احطــــــــــــــــــــن روح باصنامك
انت انت وتظل مشرك بحبـــك دوم
يمته اتحب بلالـي وتعلـــــــــــــــــن اسلامك
اجرامك طغاة العصر تحلف بيــــه
من باب العطف لاتحجـــــــــــــــي باجرامك
صدام شكثر مجـــــرم بعين الناس
والاكثر اجـرام بعينــــــــــــــــــــــي صدامك
لذا انه اعتقد من انعــــــــدم صدام
كـون بصفه احطك واعلـــــــــــــــن اعدامك
........
بايعتك ملك واسمك صـــرت سلطان
واخسر مو مهـــــــــــــــــم العندي اربحنك
وسميتك بطل جي عندك احله عيون
وخاويتك حـــــــــــــــــزن بسكـون افرحنك
خليتك نجم هابعدك اعلـــــــه العين
ومن دون الخلك بس انــــــــــــــه الوحنك
تاج اعله الكلب خليتك من اسنين
وطرزتك وشــــــــــــــــم ماردت امسحـنك
لاتفهم غلط كتلك واعرفك زيــــن
وحاولت شكثر باسلوبـــــــــــي انصحـنك
شفتك طاغيه وتاليتك المخلـــوع
تصفه وللابد مـــــــــــــــن بالي اطرحنـك
وادريبك صنم تمشي بعكل تمثال
وعلى جرة حبل من ايــــــــــدي اطيحنك
منقول
__________________