شباب اليوم اشرحلكم طريقة عمل القيمة النجفية الاصلية

[omar.uosif]

السلام عليكم.
شباب اليوم اشرحلكم طريقة عمل القيمة النجفية الاصلية .

المحويات
حمص, لحم, بصل,معجون طماطة, نومي بصرة, كمون, هيل.


المقادير
لكل كيلو عضو حمص كيلو لحم وقوطية معجون وراسين بصل.


طريقة التحضير
اولا: احمس البصل.
ثانيا: وبعد حمس وتحمير البصل احمس اللحم حتى يروح الزفر مالتة.
ثالثا: نحط مي بالجدرية الى حد تتغطة اللحم يعني نكوم منشوف اللحم بس هيج
شوية, وبعدين نغطي الجدرية بحيث ميطلع البخار.
رابعا: ورة ميستوي اللحم نحط الحمص ونخليه يستوي كلش كلش, همين نغطيه علمود يسوي.
خامسا: نجيب اكو اختراع اسمة طخماخ ونكوم نهرس باللحم والحمص.
سادسا: نحط معجون الطماطة, ونرش شوية ملح.
سابعا: هاي طبعا احنة نظل ندرخ بالجدر حتى ليحكك, نحط نومي بصرة وكلش شوية هيل, وشوية كمون.
ثامنا: نعوفهة على نار هادئة لمدة نص ساعة وراهة صبوهة والف عافية

وهسة طلع عدنة هذا الماعون الابي ومكانكم خالي :

[ارشيف الفرات]

تعرف شلون انت شهيتني واني صايم
اخ اويلي على القيمه
هسه غير يجي عاشور ونضرب تمن وقيمه

مشكور اخي العزيز على المشاركه الرائعه
والموضوع المبدع
وصفه لذيذه جدا
تقبل مروري

[omar.uosif]

تسلم على مرورك