الى حكومه الاتلاف العراقي الموحد(قصيده )

[حيدر اللامي]

جفك ما وصل وتناوش العنگود
على اجتافي انه شلتك خاطر اتلوحه
ردت صوتي اخذته وما بخلت الصوت
وصلت الي تريده وكملت اللوحه
كافي من الحصد ما ظل زرع بلگاع
الارض حزنت تخضر كامت املوحه
عراريس الگضت وتكلي سهله اتهون
اليتيم شلون شيطيبهن اجروحه
ولك حتى البحر لو جرفه لاح اوشال
على موت الجرف هم ياكل بروحه
بذمتمن بعد ماكافي بينه الموت
ماكافي بشوارع ناس مطروحه
بذمت منجلك ماطولك الفلاح
خطيته السنابل كون مذبوحه
ترجعلي طفل لو مر عليه العيد

مايهوه ويدور غير مرجوحه
ابيبان الفرح واگف اتاني اسنين
ادك ما تنفتح وتگلي مفتوحه
سكتت ليل صاير والنجوم اجروح
يگدر يضمهن من كثرت اجروحه
بعد ما انتخب وبحركه اعض اجفوف
شيطيح الجبل لو طاحت اسفوحه


للشاعر
ثائر الكناري

__________________

هذا بلسمچه عظم لو ذو الفقار
وانه اباوع بيه ودايخ مبتلي
واعرفت سر هلولايه من الامير
اذن حتى السمچه شيعيه وعلي

تحياتي

[محمد السوداني]

كافي من الحصد ما ظل زرع بلگاع
الارض حزنت تخضر كامت املوحه
عراريس الگضت وتكلي سهله اتهون
اليتيم شلون شيطيبهن اجروحه
ولك حتى البحر لو جرفه لاح اوشال
على موت الجرف هم ياكل بروحه

الله الله قصيدة في قمة الروعة
بوركت اخي العزيز مغترب
لك تحياتي وتقديري
وشكري الجزيل
ننتظر منك المزيد

[ام فيصل]

كافي من الحصد ما ظل زرع بلگاع
الارض حزنت تخضر كامت املوحه

صح لسانك عزيزي على هالقصيدة المختارة

احسنت - الله يكون بعونك ياعراق -- واصبر ياعراقي وشوف تاليهه

تحياتي لك يامغترب

[هاشم نجم]

جفك ما وصل وتناوش العنكود
عاى اجتافي انا شلتك خاطر تلوحه

تسلم اخي على هذا الاختار للقصيده الرائعه التي تحمل هم كل عراقي عانى
ماعانى من الضيم والفقر والحرمان
تقبل تحياتي ومروري اخي الكريم

[حيدر اللامي]

شكرا الكم حبايبي وانشاء اللة اشوفون المزيد