قصيده من ديوان في حب الحسين ا// خالد الحجار

أسألج ياكربله اعله اعتابـــــــه
شوكت كبره آوصل وشم ترابه
***********
أسألج عن الكظه بظفّج ذبيح
الميّت بتعجيل دفنه يستريـح
ليس راعي الوفه ليالي ظل طريح** بيج ياكربله أمئمنه احبابه
*********
أسلج عن النطه جفينـــــه
وين طاحت يسرته ويمينه
صاب راسه العمد سهم بعينه ** جم جرح داويتي من صوابه
**********
أسألج عن الوديعه وزفتّه
رمله هم حنّت أديها بحنتّه
ورد طشّت بيش علكت شمعته** حنتّه انعجنت بدمع مصابه
*********
أسألج عن الذي ماله مثــل
شبه جدّه النبي بدره مكتمل
شكال كلب أمّه عليه من ينجتل * سهم موته كلب ليله صابه
*********
أسألج يومج اشسوّه بالحرم
مابقه عامود سند الخيـــــــم
كلها فوك الثره كل واحد علم ** علم بصف العلم لصحابه
*********
أسألج عن الضعن عن الخيام
هم حله للعين نوم وهم تنــــام
شمس صبحج جابت عليهم ظلام** هم منعتي يزيد عن اطنابه
*********
أسألج جم طفل جتفوه بطفل
هم مسحتي دمعت يتيم التهل
لو حفظتي ويّه ابو اليمه الوصل **نايم عله الثره أمسلبه ثيابه
*********
أرد أسألج زينب الطفج تعـــــود
شامخه أتردلج قلعه من الصمود
بس اعذريها بدمعها من تجود** بأربعينه ردّت بغيّابه
*********
أسألج من ألها لازم يستعد
هاي ياكربله زينب التــرد
اليوم راح يعود لارضج المجد **الحره بت من بجه عليه محرابه
**********
أسألج لمن تلاكيـــــــــن الضعن
هم تهدّي روعه من جور المحن
كل كلب منهم بضيمج أمتحن** انته اول صرتي من اسبابه
**********
عوفي زينب والحرم خليهن
مثل سرب طيور يـم واليهن
ايسولفنله الظيم ألمر بيهن ** بدمعت احزان وهظم سجابه
****************
خدمة المنبر الحسيني مبرئين الذمه

[محسن المفرجي]

جعلها الله في ميزان حسناتك شكرا لك اخ خالد
تحياتي

جعلها الله في ميزان حسناتك شكرا لك اخ خالد
تحياتي

*******************
بسم الله الرحمن الرحيم
شكرا لمروركم الكريم ونلتمسك الدعاء
الخاد// خالد محمد مهدي الحجار

الله يهديك الي بيسئل يسئل الله مابيسئل كربلا

بسم الله الرحمن الرحيم
شكرا حزيلا لمروكم الكريم وفقكم الله
الخادم