الي كل العراقين تدخل وشوف القصيدة بعد ماريد والله روعة

[نورس العراق]

بعد ما ريد فيزه ولا لجوء انـــــسان
عمت عين الاقامه الدنست صـــــيتي



واشكر كل صديق وكل خوي وكل جار
قــــفل بابه ورفض يـــــقبل عراقيتي



خلف الله عليكم والوكــــــــــت دولاب
لا بد يوم يـــــــــــنزل بيكم ارضيتي



لان اول امس كل البشر خــــــــــدام
جانوا للـــــــــــــــعراق واكلوا ابيتي



جان الضيف عندي مكرم ومهــــيوب
فوگ الراس اشــــــيله وهاي تربيتي



ما داعي اسولف وانه ابو النــــهرين
ياهو الــما سمع اخــــــــــبار حنيتي



بعد بصــــــمات اديهم والطبع موجود
من جانوا جياع بوســط صيـــــنيتي



يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي



معـــقوله نسيتي اسم الـــعراق بساع
لــــــو مثل الــــبشر همّن تــــناسيتي



مــيفيد الحچي ولا تـــنفع الـچـلـمات
راجـع يـا وطـن لـترابــك الزيـــــتي




راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي



وادري لوحّدج عفناج صار سنين
وادرى من الحزن تابوت سويتي



جيب الاغتراب وحـــطه بالـــتابوت
يا غربه الـــــــــــعراق شكثر اذيتي



ما اعيــش ابّحر مالح طـــعم يا ناس
انه بسجن الـــــفرات وفقط حريتي



وترابي ذهـــب والگاع من ياقــوت
ومن ثوب الكرامه البسهه بيريتي



واذا گالوا لترجع والوضع مو زين
اگول اني الوضع والزين تاليــــتي


وميهمني بعد ليصير خلي يصير
طعم الموت اشرف من هجر بيتي


قيدة عتب عراقية للعرب بعنوان((( بـــــــــعــــــــــــــــــد ماريد فيزا)))


القصيدة لشاعر العراق





اموت بوسط خوتي ويا حلاة الموت
من اجمع اهلــــــنه واكتب وصيتي



وصيتي لو متت لتچفنوني چفان
لفوني بعلمنه وهاي امـــــــنيتي




واذا تردون اليه بهالگبر ارتاح

امانة الله دفنوا وياي جنسيتي
امانة الله دفنوا وياي جنسيتي

[ارشيف الفرات]

عاشت ايدك ياورده والله انته مبدع

مشكووووووووووووووووووووووووور

تقبل تحيااااااااااااااااااااااااتي

--------------------------------------------------------------------------------

بعد ما ريد فيزه ولا لجوء انـــــسان
عمت عين الاقامه الدنست صـــــيتي



واشكر كل صديق وكل خوي وكل جار
قــــفل بابه ورفض يـــــقبل عراقيتي

ـــــــــــــ
الللللللللله
الللللللللله
ولا اروع
ولا اجملللللللل
تحياتي لك يا عراقي يا بطل

[رومانسي بغداد]

مشكورين خووي
عاشت الايادي

يسلم احساسك نورس العراق.ز قصيدة روعة والله
وهذا نداء لكل الي عافو وطنهم بمحنته الى الرجوع الى احضان الوطن .. ولو كانو مجبورين بس انشا الله الوضع نحو الاحسن..
ومثل ما قال الشاعر عباس جيجان:

عكَب الوطن تبقى البشر.. مثل البهايم دايحة

تقبلو مروري اخواني وشكرا يا نورس العراق مرة ثانية

عاشت أيدك يا شاعر الغيرة العراقية تستاهل الورد مو بس وردة على هذا الاحساس الرائع تحياتي........تعجز الكلمات عن وصف القصيدة والي كتبها.

الف شكر على الموضوع الرائع

[رومانسي بغداد]

عاشت الايادي اخ نورس العراق