خليني اسولف الك بقلم سفيرة الشعر

[سفيره الشعر]

خليني اسولف الك وارجوك تسمعني


يامه سمعتك عمر تحجيلي باعذارك


وياك واضح جنت مااخفي ابد كلشي


وسري ويه سرك دفن شو طلعت اسرارك


ظنيت طول الدرب والبعد يخفيلك


ماتدري كل قصتك توصلني واخبارك


من طبعي ماراقبك بس اعرف اطباعك


لن الكلب عافني من سنين حط جارك


اعتب عليك بزعل والغيظ بيه اهواي


ويه الغير بارد ثلج وانه انجوي بنارك


خليني اسولف بعد واحجيلك العندي


موعيني ظيفك بجت ودموعي خطارك



طيفك يجيني غفل وافرشله بعيوني


وسديت باب الحزن رد طيفي مازارك



صدكت بيك وامنت من كتلي نام وياي


وك بعد الجفن ماغمض فزززني بسمارك


ومجبور اسولف بعد وخلصت كل صبري


وياك روح وجسد ياهو العلي دارك


تلميذ بيدي كبرت وبصفي درستك


استاذ صاير علي واطبق افكارك


مبروك انت الفزت وانه طلعت خسران


وعزوني اهلي وهلك كالولك امبارك




وكول اشما ردت اطلب تمنه



وعليمن حجيك ويانه تمنه



حسافه وياك ماغزر تمنه




اكلته وشو درت وجهك عليه



مع تحياتي لكم واطيب امنياتي



لقراءتكم قصيدتي


مع كل الوووووووووود

[ابو سجاد الركابي]

رائعه دوما انت سفيرة الشعر\تحياتي

تلميذ بيدي كبرت وبصفي درستك


استاذ صاير علي واطبق افكارك

سفيرة الشعر
لكي كل الاحترام والتقدير
ايتها الحالمه
دعائي لكي بالتوفيق
وتمنياتي لكي بالخير والسلامه

[ام فيصل]

شكرا للكلمة
شكرا للإحساس
شكرا لجميل الصياغة

ولك اطيب تحياتي عزيزتي

[سفيره الشعر]

الغالي ابو سجاد الركابي
الغالي زهير العقابي
الغاليه ام فيصل

سعيده جدا جدا بمروركم وتواجدكم الذي يفيض القا
على كل مشاررركه اسعدتموني
بارائكم القيمه المميزه

[الكناري يونس الجبوري]

من طبعك انته الثقه ومن طبعي اغار اعليك
طبع الزواجــــــــــل انا من تربــــــي في دارك

وهذا البكلبي طعن انت التـــــــــــــداوي فيه
لنك تعرفه صدك آثـــــــــــــار مســــــــــــمارك

لو بيدي جبت الشــــــــمس بيدك ينور العين
وبيدك الاخرى نهر ومن فوكي معبـــــــــــــارك



جئت لاسجل اعجابي هنا للغاليه لسفيرة الشعر ام مريم
ارجو قبول مروري المتواضع في رائعتك
وردة فل تعطر انفاسك
وتحيتي لك

[سفيره الشعر]

من طبعك انته الثقه ومن طبعي اغار اعليك
طبع الزواجــــــــــل انا من تربــــــي في دارك

وهذا البكلبي طعن انت التـــــــــــــداوي فيه
لنك تعرفه صدك آثـــــــــــــار مســــــــــــمارك

لو بيدي جبت الشــــــــمس بيدك ينور العين
وبيدك الاخرى نهر ومن فوكي معبـــــــــــــارك

الكنارررري الغالي

نااجمل ردودك الشفافه حين

ترد بشفافيه لانضير لها يعجبني


فيك توافق ردودك على مانكتب

انت شاعررر بكل معنى الكلمه

اسجل اعجابي بكل ماتكتب

ودي وباقات وردي